Litoŭskaja čyhunka atrymała prośby ab pieravozcy kalijnych uhnajeńniaŭ ad troch biełaruskich kampanij. Ciapier dumaje, što rabić
Hrupa kampanij «Litoŭskija čyhunki» paviedamiła, što da jaje źviarnulisia try biełaruskija kampanii, jakija nie znachodziacca pad sankcyjami, z prapanovaj ab pieravozcy biełaruskich kalijnych uhnajeńniaŭ, piša delfi.lt.
Siarod hetych pradpryjemstvaŭ — daččynaje pradpryjemstva «Biełaruśkalija» «Biełaruskaja kalijnaja kampanija». Jana prosić padpisać damovu ab pieravozcy kalijnych uhnajeńniaŭ pa čyhuncy praź Litvu z 24 studzienia i arhumientuje svaju prośbu patrebaj vykanańnia abaviazalnitvaŭ ab prodažy ŭhnajeńniaŭ praz Kłajpiedski port.
Dźvie inšyja kampanii, jakija źviarnulisia da Litoŭskaj čyhunki — «Bielintertrans» i «Biełkalij-MIHAO». Pieršaja ŭžo padała i zajaŭku na pieravozku hruzaŭ.
«Kab adchilić prośby kampanij i takim čynam spynić tranzit biełaruskich kalijnych uhnajeńniaŭ praź Litvu, «Litoŭskim čyhunkam» patrebna pravavaja padstava. Heta važna, kab uziać pad kantrol abaviazki, uźnikłyja z roznych litoŭskich i mižnarodnych pravavych aktaŭ, a taksama mižnarodnych pahadnieńniaŭ, jakija mohuć pieratvarycca ŭ pazovy jak da LTG, tak i da dziaržavy, kali budzie admoŭlena ŭ zaklučeńni pahadnieńniaŭ ab pieravozcy ŭhnajeńniaŭ bieź ćviordaj pravavoj padstavy»,
— havorycca ŭ paviedamleńni Litoŭskaj čyhunki.
Tamu pierad tym, jak pryniać rašeńnie, Litoŭskaja čyhunka źviarnułasia va ŭradavuju kamisiju pa praviercy ździełak stratehičnych pradpryjemstvaŭ.
Pierad hetym Litoŭskaja čyhunka infarmavała «Biełaruśkalij» ab pastanovie ŭrada skasavać z 1 lutaha padpisanuju ŭ 2018 hodzie i dziejnuju da kanca 2023 hoda damovu, pavodle jakoj u hod pieravozicca kala 11 młn ton uhnajeńniaŭ. Kampanija taksama była pastaŭlenaja ŭ viadomaść, što zajaŭki na pieravozku jaje hruzaŭ z 1 lutaha pa hetaj damovie nie buduć uzhodnienyja.
Hetyja rašeńni źviazanyja z sankcyjami suprać «Biełaruśkalija», uviedzienymi ZŠA.
Litoŭskaja čyhunka: skasavańnie kantrakta na pastaŭku biełaruskaha kaliju nie aznačaje spynieńnia tranzitu ŭhnajeńniaŭ
«Heta byŭ asnoŭny łahistyčny kalidor». Jak ciapier «Biełaruśkalij» budzie pastaŭlać pradukcyju na ekspart?
Z 1 lutaha Litva skasuje pahadnieńnie pamiž Litoŭskaj čyhunkaj i «Biełaruśkalijem»
Ciapier čytajuć
Jak być maładym baćkam u 66 hadoŭ, pra maru i pra novy albom — u hutarcy ź lehiendaju fołku Ivanam Kirčukom1
Jak być maładym baćkam u 66 hadoŭ, pra maru i pra novy albom — u hutarcy ź lehiendaju fołku Ivanam Kirčukom
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda1
«Vajna ŭsio śpiša». Biełaruskim udzielnikam hiej-prajda ŭ Vilni pahražali raspravaj ad imia biełaruskich vajaroŭ za vykarystańnie bieła-čyrvona-biełaha ściaha219219
Kamientary