Kab atrymać adkaz na pytańnie, navukoŭcy pahutaryli z bolš čym 600 žančynami. Jak akazałasia, šmat chto ź ich udaje zadavalnieńnie, kab padtrymać niaŭpeŭnienych u sabie ci niaŭmiełych mužčyn.
U studzieńskim numary vydańnia Social Psychological and Personality Science źjaviłasia navukovaja praca pra toje, čamu žančyny imitujuć arhazm.
Spačatku navukoŭcy pahutaryli z 283 žančynami i spytali ŭ ich, pamiž inšym, pra toje, jak jany aceńvajuć mužnaść svaich partnioraŭ. Čym bolš žančyny zaŭvažali niaŭpeŭnienaść svaich partnioraŭ, tym bolš niepakoilisia jany sami. Heta, u svaju čarhu, upłyvała na toje, nakolki žančyny adčuvajuć zadavalnieńnie ad seksu i mohuć pieražyvać arhazm.
Dalej daśledčyki apytali jašče 196 žančyn. Vyśvietliłasia, što respandentki, jakija nievysoka aceńvali «mužnaść» svaich partnioraŭ, byli nie nadta ščyryja ź imi ŭ spalni, bo bajalisia mahčymaha kanfliktu ŭ adnosinach. Cikava, što žančyny, jakija zarablali bolš za svaich partnioraŭ, imitavali arhazm u dva razy čaściej, čym inšyja respandentki.
Tym nie mienš, psichołahi pieraścierahajuć ad takoj praktyki. Kali my padmanvajem partniora ŭ spalni, my možam hetym čynam jamu vypadkova naškodzić. Nichto nie vyjhraje, kali hramadstva stavić zanadta vysokija standarty mužnaści. Ščyraja kamunikacyja z partnioram i žadańnie zrazumieć jaho seksualnyja patreby — toje, ad čaho budzie dobra kožnamu z partnioraŭ.
Ciapier čytajuć
35‑hadovy dalnabojščyk ź Biełarusi raptoŭna pamior u Kitai. Heta muž samaj tytułavanaj biełaruskaj dziudaistki2
Kamientary