«Pazvaniŭ paprasić lekaŭ ad vanitaŭ, padumali — u pałonie, a akazałasia, što myje ruskija tanki ad pareštkaŭ», — svajaki biełaruskaha sałdata
«Našaj Nivie» stała viadomaja historyja biełaruskaha sałdata terminovaj słužby, jaki pryzyvaŭsia ŭ adnu z čaściej na zachadzie krainy. Niadaŭna jon pazvaniŭ baćkam ź nieznajomaha numara ŭ Vajbier z prośbaj pryvieźci lekaŭ ad vanitaŭ i młosnaści pad Homiel.
«Pieršaja dumka — što syn va ŭkrainskim pałonie i paranieny, — pieradajuć nam źmiest razmovy svajaki. — Tamu adrazu skazali: davaj kažy jak jość, čamu ty nie ŭ svajoj čaści, dla čaho tabie leki, dzie ty znachodzišsia?
Ale, akazałasia, što jon u rajonie Kamaryna, pad Homielem, i razam ź inšymi sałdatami terminovaj słužby ŭdzielničaje ŭ adnaŭleńni padbitaj i złamanaj rasijskaj techniki [Kamaryn — apošni nasieleny punkt u Biełarusi na darozie da ŭkrainskaha Čarnobyla. Hetaja daroha całkam zaniataja rasijskimi vojskami, jakija pa joj ažyćciaŭlajuć zabieśpiačeńnie svaich siłaŭ pad Kijevam. — «NN»].
A leki ad vanitaŭ jamu patrebnyja tamu, što jany z chłopcami admyvajuć techniku, jakaja paciarpieła ŭ bajach, i, jak jon vykazaŭsia, maje na sabie frahmienty čałaviečych ciełaŭ, pareštkaŭ, ad čaho chłopcaŭ vanituje. Voś tak».
Paćvierdzić detali hetaj historyi ź inšych krynic nam nie ŭdałosia praz zakrytaść biełaruskaj vajennaj sistemy, ale ŭdałosia znajści svajakoŭ inšych sałdat, jakija paćvierdzili, što čuli ad svaich dziaciej frazy nakštałt «pad Homielem myjem tanki».
Miarkujučy pa ŭsim, Rasija niasie va Ukrainie vialikija straty ŭ technicy i žyvoj sile.
Ź Biełarusi pry hetym ažyćciaŭlajecca tyłavoje zabieśpiačeńnie apieracyi: na biełaruskich aeradromach bazujecca rasijskaja avijacyja, tut ramantujecca technika i lečać paranienych.
Boj pad Vaźniasienskam: tak ukraincy pieramahli ŭ sutyknieńni, jakoje ŭratavała Adesu
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim12
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim
Babaryka i Kaleśnikava pahavaryli ź Inhaj Ruhinienie i zaklikali Litvu «dałučycca da dypłamatyčnych namahańniaŭ ZŠA» i «nie prapuścić akno mahčymaściej»3333
Kamientary