«Štadler» nie źbirajecca sychodzić ź Biełarusi, kivajučy na intaresy «nasielnictva ŭ cełym»
Kampanija Stadler Rail nie źbirajecca zakryvać svaju vytvorčaść u Biełarusi, paviedamlaje swissinfo.ch.
Pa słovach staršyni savieta dyrektaraŭ kampanii Pitera Špulera, u joj pryniali takoje rašeńnie, pakolki pradukcyja, jakaja vyrablajecca ŭ Biełarusi, nie pryznačajecca dla aliharchaŭ, a prynosić štodzionnuju karyść prostamu nasielnictvu.
«My nie budujem dla aliharchaŭ, pradukty našaj vytvorčaści prynosiać štodzionnuju karyść nasielnictvu ŭ cełym. Pa hetaj pryčynie ŭ mianie niama pakutaŭ sumleńnia za toje, što my robim».
Paviedamlajecca taksama, što ŭ vyniku ŭviedzienych sankcyj kampanija adčuvaje ciažkaści z pastaŭkaj elektronnych kampanientaŭ i budzie vymušanaja pieranieści častku apieracyj pa zborcy ŭ Polšču i Šviejcaryju.
Uviedzienyja sankcyi paciahnuć taksama skaračeńnie štata vytvorčaści. Ciapier na pradpryjemstvie ŭ Fanipali pracuje 1150 čałaviek, ale štat skarociać da 700—800 supracoŭnikaŭ u bližejšyja try miesiacy.
Kamientary