28 sakavika Hrodzienski abłasny sud pačnie razhlad kryminalnaj spravy rasijanki Safii Sapiehi.
Sapiehu buduć sudzić u zakrytym režymie z-za «dakumientaŭ ź infarmacyjnaj pradukcyjaj ekstremisckaha źmiestu».
Hramadzianku Rasii, zatrymanuju 23 maja 2021 hoda razam z Ramanam Pratasievičam paśla pasadki ŭ Minsku samalota Ryanair Afiny — Vilnia, abvinavačvajuć pa siami artykułach:
— č. 3 art. 130 (raspalvańnie varožaści ŭ składzie hrupy asob),
— č. 4 art. 16 i 364 (arhanizacyja hvałtu i pahroz u dačynieńni da milicyjanieraŭ),
— č. 4 art. 16 i 365 (arhanizacyja pahroz, paklopa ci raspaŭsiudžvańnie źviestak pra milicyjanieraŭ),
— č. 4 art. 16 i 366 (arhanizacyja hvałtu i pahroz u dačynieńni da słužbovych asob),
— č. 4 art. 16 i 389 (arhanizacyja pahrozy zabojstvam ci hvałtu ŭ dačynieńni da sudździaŭ),
— č. 4 art. 16 i 198 (arhanizacyja pieraškod dziejnaści žurnalistaŭ z pahrozaj užyvańnia hvałtu),
— č. 1 i 2 art. 203-1 (naŭmysny zbor infarmacyi i piersanalnych źviestak inšaj asoby).
Zhodna z materyjałami spravy, dziaŭčyna nibyta administravała šerah telehram-kanałaŭ, čyja dziejnaść była nakiravanaja na «dyskredytacyju dziejnaj ułady, raspalvańnie sacyjalnaj varažniečy i arhanizacyju złačynstvaŭ suprać asobnych katehorych hramadzian», i atrymlivała za heta apłatu.
Prakuratura śćviardžaje, što Sapieha vykanała abaviazalnictvy, praduhledžanyja zaklučanaj ź joj damovaj ab supracy, i pryniała miery ab upłacie dachodaŭ, atrymanych złačynnym šlacham. Taksama dziaŭčyna napisała prašeńnie ab pamiłavańni na imia Łukašenki.
Rasśledavańnie jaje spravy pravodziłasia ŭ Minsku, ale sprava pieradadzienaja na razhlad u Hrodna — mahčyma, tamu, što Sapieha prapisanaja ŭ horadzie Lida Hrodzienskaj vobłaści.
Ciapier čytajuć
Prakuratura pra śmierć Miełkaziorava: žurnalist mieŭ chraničnuju chvarobu6
Prakuratura pra śmierć Miełkaziorava: žurnalist mieŭ chraničnuju chvarobu
Fiaduta — Kaleśnikavaj: Mašańka, ci viarniciesia na Miesiac, ci nie vučycie žyć tych, chto stamiŭsia nabivać huzy ad čarhovaha nastupańnia na hrabli2727
Kamientary