U internecie źniadkul źjaviłasia «Bryhada Kaściuški». Aściarožna, heta moža być pravakacyja
U telehram-kanale «Bryhada Tadevuša Kaściuški» źjaviłasia videapaviedamleńnie, dzie ludzi z sapraŭdnaj zbrojaj, ale zakrytymi tvarami i źmienienym hołasam, vystupajuć z zaachvočvańniem dałučacca da ich farmavańnia praz telehram-bot. Sapraŭdnyja bajavyja złučeńni biełarusaŭ pry hetym imi nazyvajucca «mažorami i pačvarami, jakija zdymajuć hłamurnyja vidosy», pakul hetyja ananimnyja bajcy nibyta «chavajuć bratoŭ u sapraŭdnaj vajnie».
Vysnova zvarotu prostaja: treba praz čat-bot dałučacca da farmavańnia, u jakim «radyja kožnamu sapraŭdnamu vajaru», a taksama achviaravać jamu hrošy. A ŭ inšyja farmavańni pry hetym nie ŭstupać, bo tam «pijarščyki», a nie «vajary».
Ale pravakacyja akazałasia niepradumanaj, jaje vydajuć detali:
— nivodnamu biełaruskamu dobraachvotniku nieviadoma takoje farmavańnie, jak «bryhada Tadevuša Kaściuški». Jaho nie isnuje;
— aŭdytoryja kanała, u jakim apublikavanaje videa, składajecca z nakručanych botaŭ — pieršaje (i adzinaje) videa źjaviłasia paśla taho, jak u kanale ŭžo było paŭtary tysiačy padpisantaŭ, čaho nikoli nie byvaje ŭ naturalnych umovach;
— va Ukrainie nie vykarystoŭvajucca tyja ŭzory kamuflažu, u jaki apranutyja bajcy: «Horka» i «Biarozka». Ale hety kamuflaž papularny ŭ Biełarusi, kudy redka traplaje jakasnaje abmundziravańnie;
— takoha lesu, na fonie jakoha zapisana videa, na Danbasie nie raście.
Surazmoŭcy «Našaj Nivy» vykazvajuć zdahadku, što pad vyhladam niaisnaj hrupy biełaruskija śpiecsłužby sprabujuć zamanić u pastku ludziej, hatovych vajavać za svabodu i niezaležnaść Ukrainy. Kali jany napišuć u bot, ich vyličać i aryštujuć.
-
Na radzimie Kastusia Kalinoŭskaha bura paškodziła staryja mohiłki. Pravasłaŭnaja parafija prosić dapamohi — abo hrašyma, abo chto moža pryjechać ź bienzapiłkaj
-
Stała viadomaja pryčyna niadaŭniaha pažaru ŭ centry Minska
-
«Dabralisia i da sabak». Mikoła Statkievič raskazaŭ pra śpiecapieracyju suprać jahonych hadavancaŭ
Ciapier čytajuć
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2
Kamientary