Da vielikodnaha stała. Niamiecki paschalny chleb osterbrot — cikavaja alternatyva zvykłym piraham

Kab pryhatavać osterbrot, vam spatrebicca:

• 120 hramaŭ razynak (lepiej brać drobnyja),
• 40 hramaŭ pasiečanaha mindalu,
• 150 hramaŭ chałodnaha małaka (+ jašče 125 hramaŭ małaka dla zamočvańnia mindalu),
• 340 hramaŭ muki,
• 1,25 čajnaj łyžki chutkadziejnych draždžej,
• 35 hramaŭ cukru,
• maleńkaje jajka,
• pałova čajnaj łyžki soli,
• 50 hramaŭ masła,
• čajnaja łyžka cedry limona ci apielsina.

1. Zamačycie razynki ŭ ciopłaj vadzie na 10-20 chvilin.
2. Zalicie mindal nievialikaj kolkaściu małaka (čym bolš času jon prabudzie ŭ im, tym lepiej). Prasušycie razynki i mindal.
3. Źmiašajcie 170 hramaŭ muki i čverć čajnaj łyžki draždžej, dadajcie 150 hramaŭ chałodnaha małaka — u vas atrymajecca roščyna dla našaha chleba. Sfarmujcie ź jaje šar. Miasicie roščynu niekalki chvilin, ale sačycie za tym, kab ciesta nie razahravałasia.
4. Pakińcie roščynu na 1-2 hadziny pry pakajovaj tempieratury.
5. Źmiešvajcie roščynu, druhuju pałovu muki, cukar, jajka, sol i reštki draždžej, pakul sumieś nie stanie adnarodnaj.
6. Miasicie ciesta niekalki chvilin, potym dadajcie tudy masła i cedru i jašče raz staranna vymiesicie ciesta.
7. Dadajcie da ciesta prasušanyja razynki i mindal, umiašajcie ich u jaho. Mahčyma, vam spatrebicca trochi bolš muki, kab ciesta było mienš lipučym, usio zaležyć ad taho, nakolki suchimi buduć razynki. Pakładzicie ciesta na pasypanuju mukoj pavierchniu i vymiešvajcie jaho, pakul ciesta nie stanie hładkim i amal nie pazbavicca lipučaści.
8. Sfarmujcie ź ciesta vialiki kamiak i pakińcie jaho na stale na paŭhadziny.
9. Razahrejcie duchoŭku da 180 hradusaŭ. Padrychtujcie blachu i zaścialicie jaje papieraj dla vypiakańnia.
10. Sfarmujcie ź ciesta kruhły bochan. Možna zrabić u jaho centry razorku.
11. Niaščylna nakryjcie chleb charčovaj plonkaj i pakińcie na 45 chvilin pry pakajovaj tempieratury na pakrytaj mukoj pavierchni ci na blasie, zaścielenaj papieraj dla vypiakańnia.
12. Za niekalki chvilin da vypiakańnia treba ŭpryhožyć budučy osterbrot. Možna zmazać jaho źvierchu małakom ci jaječnym žaŭtkom, potym pasypcie bochan cukram ci mindalom i vyražcie nažom u jaho centry kryž.
13. Vypiakajcie osterbrot prykładna 35-40 chvilin. Kali padčas vypiakańnia bochan budzie zanadta ciomnym źvierchu, pakryjcie jaho folhaj.
14. Kali vy nie pakryvali osterbrot hłazuraj pierad vypiakańniem, zmažcie haračy bochan abrykosavym džemam i pasypcie jaho mindalnymi šmatkami abo astudzicie bochan i pakryjcie jaho hłazuraj z cukrovaj pudry i małaka (na 150 hramaŭ pudry patrebnyja try stałovyja łyžki małaka).

«Naša Niva» adnaŭlaje zbor danataŭ — padtrymać prosta

Čytajcie jašče:

Da vielikodnaha stała. Zapiečanaja naha jahniaci z prypravami — duchmianaja strava, jakuju prosta pryhatavać

Jak farbavać vielikodnyja jajki: vialiki hajd

Recept na vychadnyja: novy padychod da zvykłaj hrečaskaj sałaty

• 4
• 0
• 0
• 0
• 0
• 0
• 0
• 0