Arechi palepšać pamiać

Akazvajecca, arechi źnižajuć ryzyku ŭźniknieńnia starečaj niapamiatlivaści i raptoŭnaha infarktu, bo vitamin Je, jaki ŭtrymlivajecca ŭ arechach, pieraškadžaje ŭtvareńniu chalesterynavych blašak i achoŭvaje sasudy. Pryčym lepšym varyjantam źjaŭlajecca mindal.

Akramia taho, ludzi, jakija nie radziej za dva razy na tydzień źjadajuć 30 hramaŭ arechaŭ, źnižajuć ryzyku infarktu na 47 % u paraŭnańni z tymi, chto ŭvohule nie jeść arechaŭ. Bolš za toje, roznyja hatunki arechaŭ dapamohuć vam pazbavicca ad roznych niemačaŭ.

Naprykład, funduk možna ličyć ulubioncam dyjetołahaŭ: dziakujučy nizkamu ŭtrymańniu vuhlavodaŭ jaho možna jeści i pry vielmi strohaj dyjecie biez ryzyki nabrać vahu. Funduk karysny pry chraničnaj stomlenaści, dyjabiecie, pavyšanym cisku, pavieličeńni prastaty, varykoznym rasšyreńni i zapaleńni vien.

Małačko z lasnych arechaŭ supakojvaje niervy i lečyć chraničnyja branchity. Hatujecca jano tak: 50 jadraŭ arechaŭ raskałoć i zamačyć na 10 hadzin u adnoj šklancy ciopłaj vady. Zatym raścierci ŭ stupcy i nastojvać na praciahu troch hadzin, zakipiacić i pracadzić. Dadać 5 stałovych łyžak viarškoŭ i 2 desiertnyja łyžki miodu. Prymać pa stałovaj łyžcy dva razy na dzień pierad jadoj.

Mindal ličycca čempijonam pa ŭtrymańni kalcyju i vitaminu Je. Jon vielmi karysny pry małakroŭi i parušeńniach zroku, a mindalny alej dabratvorna dziejničaje na skuru, uvilhatniajučy jaje i zdymajučy razdražnieńnie. Pry zachvorvańniach straŭnikava-kišačnaha traktu i nyrak rekamiendujecca jeści mindalnyja arechi, zapivajučy ich haračym małakom. Sałodki mindal karysny pry pavyšanym uzroŭni chalesterynu, pry hipiertanii, puchlinnych zachvorvańniach, vočnych chvarobach, atłuścieńni, jazvach, chvarobach žoŭcievych pratokaŭ i piakotcy. A voś horkim mindalom praźmierna zachaplacca nie varta — vielmi vialikaja kolkaść efirnych alejaŭ, jakija ŭtrymlivajucca ŭ hetym hatunku arecha, moža nanieści škodu zdaroŭju. Dapuščalnaja dzionnaja norma — usiaho niekalki ziarniatak.

Arachis, abo jak jaho jašče nazyvajuć, ziemlany arech, — cudoŭnaja krynica folijevaj kisłaty, jakaja sadziejničaje abnaŭleńniu kletak, a tłuščy, što ŭtrymlivajucca ŭ im, akazvajuć lohkaje žaŭciahonnaje dziejańnie. Arachis palapšaje pamiać i ŭvahu, sadziejničaje narmalnamu funkcyjanavańniu niervovaj sistemy, serca i inšych unutranych orhanaŭ. Adnak nieabsmažany arech moža vyklikać parušeńni stravavańnia, a skurka arachisu — mocnuju alerhiju, tamu lepš jeści smažanyja i ačyščanyja arechi.

Fistaški karysnyja tym, chto ačuńvaje paśla chvaroby, a taksama pry zachvorvańniach piečani, młosnaści i ŭ jakaści prafiłaktyki prablem z sercam. Vybirajučy fistaški, varta pamiatać pra toje, što zialony koler jadziercaŭ śviedčyć pra śpiełaść: čym jany zielaniejšyja, tym smačniejšyja.

Hreckija arechi ŭ mnohich narodaŭ ličylisia ježaj vołataŭ — jany sapraŭdy ŭmacoŭvajuć myšcy i chutka zdymajuć stomlenaść paśla fizičnaj nahruzki. Akramia taho, płady hreckaha arecha akazvajuć bakterycydnaje, ahulnaŭmacavalnaje, supraćzapalenčaje dziejańnie.

• 1
• 0
• 0
• 0
• 0
• 0
• 0
• 0