Uładalnik šryftoŭ Times New Roman i Arial zabłakavaŭ dostup da ich dla klijentaŭ z Rasii
Amierykanskaja kampanija Monotype, jakaja vałodaje pravami na šryfty Times New Roman, Arial, Verdana, Tahoma i Helvetica, zakryła dla rasijskich karystalnikaŭ dostup da svajoj biblijateki na sajcie, pišuć «Viedomosti».
Sajt Monotype ŭ Rasii dastupny, ale pry sprobie adkryć staronku z katałoham šryftoŭ karystalnik bačyć paviedamleńnie ab zabaronie dostupu. Pry vykarystańni VPN-servisaŭ udajecca atrymać dostup da šryftoŭ.
Šryfty Monotype ŭžo bolš za 40 hadoŭ prymianiajucca va ŭsich papularnych AS Microsoft i Apple. Najbolš papularnyja šryfty Monotype ciapier dastupnyja rasijskim karystalnikam, naprykład, u pakiecie Microsoft Office. Adnak jašče na pačatku sakavika Microsoft abviaściła ab prypynieńni prodažaŭ u Rasii, ciapier, zajavili «Viedomostiam» udzielniki rynku, možna kupić tolki zaviezienyja da pačatku vajny va Ukrainie pradukty.
Jurysty, apytanyja vydańniem, miarkujuć, što zakryćcio dostupu da katałoha šryftoŭ Monotype — pakul nie zabarona rasijskim karystalnikam vykarystoŭvać ich. Adnak, na ich dumku, «u ahladnaj budučyni moža pryvieści da taho, što ich vykarystańnie stanie niemahčymym».
U Biełarusi pakul usio pracuje: i sajt, i biblijateka.
-
Pad mierkavanym miescam pachavańnia Isusa raskryli 2000‑hadovuju tajamnicu, jakaja supadaje ź biblejskim apisańniem
-
U śviecie jość mieduza, jakaja moža žyć viečna
-
NASA zapłaciła startapu $30 miljonaŭ, kab uratavać teleskop Swift. Ciapier aparat, jaki dvaccać hadoŭ naziraŭ za hibiellu zorak, sam zharyć u atmaśfiery
Kamientary