«USU hatovyja i nie bajacca»: Zialenski pra mahčymaść udaru z Prydniastroŭja
Kamientujučy mahčymaść nastupleńnia rasijskaj armii z Prydniastroŭja, prezident Ukrainy Uładzimir Zialenski zajaviŭ, što Ukraina da hetaha hatovaja.
«Što tyčycca rasijskich vojskaŭ, jakija ŭvieś čas prysutničajuć na časova akupavanaj terytoryi Małdovy, a mienavita ŭ Prydniastroŭi, to my viedajem ich mahčymaści, i ŭkrainskija ŭzbrojenyja siły da ich hatovyja i ich nie bajacca», — adznačyŭ Zialenski padčas sumiesnaha bryfinhu z hienieralnym dyrektaram MAHATE Rafaelem Maryjana.
Prezident Ukrainy taksama padkreśliŭ, što ź jaho punktu hledžańnia całkam vidavočna, što apošnija padziei z abstrełami i vybuchami ŭ Prydniastroŭi — heta rasijskaja pravakacyja z metaj destabilizacyi situacyi ŭ rehijonie.
«My dakładna razumiejem, što heta adzin z krokaŭ RF, — skazaŭ jon. — I heta pracujuć śpiecsłužby, jakija pakazvajuć, što kali Małdova budzie padtrymlivać Ukrainu, to buduć tyja ci inšyja kroki…»
Čytajcie taksama:
Rumynskija i ŭkrainskija vojski chutka vyzvalać Prydniastroŭje? Raskazvajem, što viadoma
U čym pryčyna niezadavolenaści žycharoŭ mikrarajona Lebiadziny ŭ Minsku? Voś što nasamreč tam płanavali budavać6
Kamientary