Pra toje, što apošnija abaroncy maryupalskaj «Azoŭstali» skłali zbroju, pišuć rasijskija dziaržaŭnyja infarmahienctvy sa spasyłkaj na Minabarony, pra heta dakładziena i Pucinu. Pavodle źviestak Minabarony, z «Azoŭstali» vyjšli 2439 ukrainskich vajskoŭcaŭ.
Taksama, pa źviestkach rasijskaha Minabarony, kamandzir «Azova» byŭ vyviezieny z Maryupala «na braniavanym aŭtamabili»: maŭlaŭ, miascovyja žychary nastolki jaho nienavidziać, što chacieli ź im raspravicca.
Za hadzinu da taho «Pieršy kanał» paviedamlaŭ, što kamandzir «Azova» Dzianis Prakapienka zdaŭsia ŭ pałon.
Siońnia prezident Ukrainy Uładzimir Zialenski zajaviŭ: «Našy vajskoŭcy atrymali sihnał, što jany majuć poŭnaje prava vyjści i zachavać svajo žyćcio». Pavodle jahonych słoŭ i sa słoŭ inšych ukrainskich aficyjnych asob, pieramovy ab viartańni ŭ Ukrainu tych, chto vajavaŭ na «Azoŭstali», praciahvajucca štodnia — u zakrytym režymie.
Kamientary