Litoŭski sud kančatkova pryznaŭ, što damova «Biełaruśkalija» ź Litoŭskimi čyhunkami pahražała nacyjanalnaj biaśpiecy Litvy.
Damovy Litoŭskich čyhunak (ŁČ) z «Biełaruśkalijem» adnosna transpartavańnia miljonaŭ ton uhnajeńniaŭ praź Litvu stvarali pahrozu nacyjanalnaj biaśpiecy krainy. Takoje kančatkovaje rašeńnie vynies siońnia Litoŭski viarchoŭny administracyjny sud (ŁVAS).
Sud 9 červienia kanstatavaŭ, što pastanova ŭrada i zaklučeńnie kamisii, jakaja praviarała ździełki stratehičnych pradpryjemstvaŭ, źjaŭlajucca zakonnymi i abhruntavanymi. U hetych dakumientach kanstatavałasia, što damovy pamiž Litoŭskimi čyhunkami i «Biełaruśkalijem» pahražajuć nacyjanalnaj biaśpiecy.
Kalehija sudździaŭ ŭličvała pry pryniaćci rašeńnia siarod inšaha i toje, što ES uskosna, a ZŠA naŭprost uviali abmiežavańni ŭ dačynieńni da «Biełaruśkalija».
Sud adznačyŭ, što pakolki ES ustalavaŭ abmiežavańni na handal kalija chłarydu ŭ ES, a «Biełaruśkalij» vyrablaje i pradaje mienavita takija ŭhnajeńni, kampanija pavinna była atrymać abmiežavańni ŭ dačynieńni da damovy z ŁČ. Bo ŭ advarotnym vypadku abmiežavalnyja miery stali b nieefiektyŭnymi.
Nahadajem, što litoŭski ŭrad 12 studzienia zaćvierdziŭ zaklučeńnie kamisii ab tym, što damova pamiž ŁČ i «Biełaruśkalijem» nie adpaviadaje intaresam nacbiaśpieki, tamu z 1 lutaha pavinna być skasavanaja. 1 lutaha tranzit biełaruskich uhnajeńniaŭ praź Litvu całkam spyniŭsia.
Ciapier čytajuć
Hurt «Drazdy» pakidaje scenu i vinavacić u hetym «hipieraktyŭnych błohieraŭ»5
Hurt «Drazdy» pakidaje scenu i vinavacić u hetym «hipieraktyŭnych błohieraŭ»
«Vajna ŭsio śpiša». Biełaruskim udzielnikam hiej-prajda ŭ Vilni pahražali raspravaj ad imia biełaruskich vajaroŭ za vykarystańnie bieła-čyrvona-biełaha ściaha182182
Kamientary