«Ja takoha nie bačyŭ jašče». Stała viadoma, kolki biełarusaŭ atrymali humanitarnyja i rełakacyjnyja vizy
U 2022 hodzie ludzi vyjazdžajuć ź Biełarusi aktyŭniej, čym u 2021-m.
Usiaho ź vieraśnia 2020-ha pa maj 2022-ha biełarusam było vydadziena kala 650 tysiač šenhienskich viz.
Tolki pa Poland Business Harbour — dla rełakacyi IT-biźniesaŭ i IT-śpiecyjalistaŭ — vizy atrymali 40 tysiač biełarusaŭ. Humanitarnych viz Polšča vydała kala 35 tysiač, raskazaŭ «Našaj Nivie» polski dypłamat.
Usiaho Polšča vydała 340 tysiač viz. Jašče prykładna 310 tysiač — astatnija krainy Šenhiena.
«Pry hetym kolkaść ludziej, jakija padalisia na atrymańnie humanitarnych viz viasnoj 2022-ha bolšaja, čym vosieńniu 2020-ha. Vajna z Ukrainaj stała bolšym katalizataram, čym represii 2020-ha. Adbyvajecca vializnaja nahruzka na dypłamatyčny piersanał, bo zajavak ad Biełarusi šmat», — patłumačyŭ nam polski dypłamat.
«Adtok ludziej idzie, my heta bačym pa situacyi na rynku nieruchomaści. Siaredniaja cana kvadratnaha mietra pa vyniku ździełak u Minsku ŭ sakaviku 2022 hoda źniziłasia da ŭzroŭniu sakavika 2018 hoda. Jašče bolš krasamoŭny pakazčyk — abvał cany arendy kvater jak u Minsku, tak i ŭ abłasnych centrach Biełarusi.
Kolkaść svabodnych kvater raście, popyt nizki. Pryznacca, mianie heta šakuje, ja takoj situacyi na rynku arendy nie bačyŭ jašče za žyćcio», — skazaŭ «Našaj Nivie» staličny ryełtar.
Ën ličyć, što arenda prosta chutčej reahuje na demahrafičnuju dynamiku. Kali ničoha nie źmienicca, to nas u bližejšyja miesiacy čakaje značnaje, mahčyma, navat da ŭzroŭniaŭ pačatku 2000-ch, źnižeńnie cenaŭ nieruchomaści na druhasnym rynku, miarkuje jon.
Dakładnaj statystyki, kolki biełarusaŭ pakinuła krainu, niama. Nie ŭsie, chto atrymlivaje vizu, u vyniku zastajecca za miažoj. U toj ža čas niamała biełarusaŭ pierajechała ŭ krainy nie šenhienskaj zony: Hruziju, Turcyju, Čarnahoryju. Armienija, Uźbiekistan i Kyrhyzstan u 2022-m taksama ŭpieršyniu stali kirunkami mihracyi biełarusaŭ.
-
Kamandujučy VPS: Kolkaść zamiežnych vojskaŭ la miežaŭ Biełarusi źmienšyłasia, z krainami NATA idzie ŭzajemadziejańnie
-
Biełarusa ŭ žadańni abmiežavać paŭsiudnuju rekłamu kazino padtrymała Minhandlu. Ale prapahandysty paraili jamu «nie leźci nie tudy»
-
U harach Kyrhyzstana z drona adšukali cieły źnikłych biełaruskich alpinistaŭ
U harach Kyrhyzstana z drona adšukali cieły źnikłych biełaruskich alpinistaŭ8
Kamientary