Tajamničyja śmierci akuł. Stała viadoma, što ich zabivaje VIDEA
Navukoŭcy atrymali dokazy svajoj teoryi, jakaja tłumačyć pryčynu źniknieńnia biełych akuł na ŭźbiarežžach Paŭdniovaj Afryki, piša Onet.
Daśledčyki daŭno padazravali, što pamiž kasatkami i vialikimi biełymi akułami, jakija žyvuć la bierahoŭ Paŭdniovaj Afryki, mohuć być kanflikty. Adnak toje, što zapisaŭ dron, pieravysiła ich samyja śmiełyja čakańni.
Z 2017 hoda navukoŭcy znachodzili trupy akuł z praktyčna adnolkavymi prykmietami: va ŭsich źjedzienaja piečań i jość ślady mocnaha ŭdaru pamiž hrudnymi płaŭnikami. Da peŭnaha času dokazaŭ taho, što akuły stanavilisia achviarami kasatak, nie było. Na dapamohu pryjšli sučasnyja technałohii. Materyjał, zapisany adnym ź bieśpiłotnikaŭ, pralivaje zusim novaje śviatło na isnujučyja viedy ab marskoj ekasistemie i mižvidavych adnosinach.
«Heta pieršy taki vypadak u śviecie»
Biełyja akuły znachodziacca na samym viersie charčovaha łancuha. Adnak, akazvajecca, navat «karaloŭ palavańnia» možna sahnać z naturalnych miescaŭ pražyvańnia i karmleńnia.
Na videa, jakoje apublikavała ŭ svaim instahramie bijołah z PAR Elisan Taŭnier, vidać, jak raptam źjaŭlajecca kasatka, u paščy jakoj trochmietrovaja akuła. Dalej bačna, jak kasatka kusaje zdabyču ŭ rajonie piečani, a kroŭ afarboŭvaje vadu.
«Ciapier u nas jość važkija dokazy taho, što kasatki niasuć adkaznaść za ich zabojstva. Hetyja akuły byli vymušanaja ŭciačy z uźbiarežža, dzie jany žyli raniej. My majem pieršy ŭ śviecie videazapis ź bieśpiłotnika», — padsumavała ŭ intervju dailybeast.com marskaja daśledčyca.
Taŭnier, jakaja na praciahu 15 hadoŭ sočyć za žyćciom vialikich biełych akuł, ličyć hetaje žorstkaje videa adnym z samych pryhožych kadraŭ žyvoj pryrody.
«My ličym, što źmiena klimatu, zabrudžvańnie akijana i, viadoma ž, napady kasatak pryviali da źniknieńnia biełych akuł u hetym rehijonie», — kaža Taŭnier.
Pa słovach navukoŭcaŭ, toje, što kasatki stali časta napadać na biełych akuł, kaža ab tym, što skaraciłasia papulacyja inšaj ježy, što taksama źviazana sa źmienami klimatu i pavyšeńniem tempieratury akijana.
Ciapier čytajuć
175 tysiač biełarusaŭ emihravali ci vyjechali na pracu ŭ ES u 2024-m. Najbolš u Polšču, a Hiermaniju zdahnała Ispanija14
175 tysiač biełarusaŭ emihravali ci vyjechali na pracu ŭ ES u 2024-m. Najbolš u Polšču, a Hiermaniju zdahnała Ispanija
«Z tatam vyrašyli: naśpieŭ čas vučycca pa-biełarusku». Žančyna raskazała, jak u 80-ja hady jeździła za 20 kiłamietraŭ ad Minska dziela adukacyi na rodnaj movie11
«Z tatam vyrašyli: naśpieŭ čas vučycca pa-biełarusku». Žančyna raskazała, jak u 80-ja hady jeździła za 20 kiłamietraŭ ad Minska dziela adukacyi na rodnaj movie1
Źnikły Anatol Kotaŭ byŭ partnioram samaha vysokapastaŭlenaha biełaruskaha raźviedčyka, jaki pierajechaŭ u Polšču. Tut moža być kluč da razhadki jaho źniknieńnia7979
Kamientary
Kasatki - eto riealnaja opasnosť.