Śviatłana Cichanoŭskaja naviedała 7 krasavika Madryd.
Klučavym vynikam vizitu stała rašeńnie ŭładaŭ Ispanii dazvolić adkryćcio ŭ Madrydzie ofisa demakratyčnych sił Biełarusi. Jaho ŭznačalić Taćciana Marynič, zasnavalnica Imaguru i pradstaŭnica biełaruskaj dyjaspary, piša «Lusterka».
Śviatłana Cichanoŭskaja ŭ miežach vizitu ŭ Ispaniju sustrełasia z premjer-ministram Piedra Sančesam, ministram zamiežnych spraŭ Chase Manuelem Albaresam i śpikieram Sienata Piedra Rołanam Achiedaj.
Jak raskazaŭ «Lusterku» dypłamatyčny daradca Dzianis Kučynski, heta byŭ adzin z samych paśpiachovych vizitaŭ Śviatłany Cichanoŭskaj za apošni čas: a ŭzrovień pryjomu ŭ Ispanii byŭ supastaŭny ź niadaŭnim vizitam u Italiju: sustrečy prajšli ź pieršymi asobami dziaržavy. Daradca adznačaje, što heta demanstruje — pytańnie lehitymnaści Cichanoŭskaj na mižnarodnaj arenie nie staić.
— Jaje jak pryznavali, tak i pryznajuć abranym lidaram Biełarusi. Na sustrečach išła razmova i pra toje, što kali Ispanija choča havaryć z našaj krainaj, jana havoryć sa Śviatłanaj Cichanoŭskaj, jakaja źjaŭlajecca pradstaŭnicaj biełaruskaha naroda, — adznačyŭ Dzianis Kučynski.
Pavodle jaho słoŭ, na sustrečach abmiarkoŭvalisia dva asnoŭnyja pytańni: sinchranizacyja jeŭrapiejskaha i amierykanskaha padychodaŭ pa Biełarusi, a taksama praktyčnaja dapamoha palitviaźniam.
Ispanija ŭžo vydzieliła 50 tys. jeŭra ŭ Mižnarodny humanitarny fond dla dapamohi represavanym.
— My damovilisia, što hetaja kraina zrobić druhi ŭniosak u humanitarny fond. Heta ciapier vielmi nieabchodna jak tym, chto ŭžo vyjšaŭ z turmaŭ, tak i tym, chto, spadziajomsia, nieŭzabavie vyzvalicca, — padkreśliŭ daradca.
Padčas sustrečy sa śpikieram Sienata Piedra Rołanam Achiedaj była dasiahnuta damoŭlenaść ab padpisańni miemaranduma ab supracoŭnictvie i stvareńni ŭ ispanskim parłamiencie hrupy «Za demakratyčnuju Biełaruś». Pavodle Kučynskaha, asabliva źmiastoŭnaj i kankretnaj atrymałasia mienavita hetaja sustreča.
Admietna, što častka pieramoŭ u Sienatie prachodziła pa-biełarusku.
— Biełaruskaja mova, napeŭna, upieršyniu prahučała ŭ Sienatie Ispanii, — padzialiŭsia Dzianis Kučynski.
Klučavym vynikam vizitu stała rašeńnie ŭładaŭ Ispanii dazvolić adkryćcio ŭ Madrydzie ofisa demakratyčnych sił Biełarusi. Jaho ŭznačalić Taćciana Marynič, zasnavalnica Imaguru i pradstaŭnica biełaruskaj dyjaspary.
Ciapier čytajuć
Ci mahčymy druhi Čarnobyl? I što ciapier robiać ludzi na toj AES? Navukoŭka adkazvaje na važnyja pytańni4
Ci mahčymy druhi Čarnobyl? I što ciapier robiać ludzi na toj AES? Navukoŭka adkazvaje na važnyja pytańni
Irłandziec, da jakoha małaja Cichanoŭskaja jeździła ŭ 1990-ja: «Kali b niechta skazaŭ, što adnoje z hetych dziaciej stanie palitykam, ja b pakazaŭ na Śvietu»2323
Irłandziec, da jakoha małaja Cichanoŭskaja jeździła ŭ 1990-ja: «Kali b niechta skazaŭ, što adnoje z hetych dziaciej stanie palitykam, ja b pakazaŭ na Śvietu»23
«Pra ciažarnaść viedali tolki jana i jaje chłopiec». Stali viadomyja padrabiaznaści historyi ź miortvym niemaŭlom, znojdzienym u Baranavičach u pakiecie
Kamientary