U Biełarusi zakryvajecca vialikaja sietka kram posudu i tavaraŭ dla doma
Sietka kram posudu i tavaraŭ dla doma VDOM zakryvajecca. Na sajcie retejlera źjaviłasia abjava pra toje, što internet-mahazin całkam spyniŭ pryjom zakazaŭ.
Zakryvać roźnicu kampanija pačała jašče ŭ kancy viasny, piša Office Life. Tak, 25 maja VDOM u siabie ŭ sacsietkach abviaściŭ pra rasprodaž sa źnižkami da 70%. Paśla hetaha pačalisia masavyja zakryćci handlovych abjektaŭ.

U žniŭni adzin za adnym spynili pracu kramy ŭ Hrodnie ŭ handlovym centry Triniti (11 žniŭnia), u Maładziečnie ŭ HC «Spadarožnik» (17 žniŭnia), u Minsku na vulicy Prytyckaha, 97 (19 žniŭnia), u Žodzinie ŭ HC «Elehant» (24 žniŭnia), u Homieli ŭ HZC «Mandaryn Płaza» (26 žniŭnia) i ŭ Minsku na praśpiekcie Dziaržynskaha, 119 (27 žniŭnia). U apošni dzień miesiaca, 31 žniŭnia, zakryŭsia punkt u staličnym HZC «Tytan».
U vieraśni praciahvali zakryvacca i astatnija abjekty: u Homieli ŭ HC «Karusiel» (2 vieraśnia), u Babrujsku ŭ HC «Karusiel» (3 vieraśnia), u Rečycy ŭ HC Global Market (7 vieraśnia) i ŭ Viciebsku ŭ TRC «Tryjo» (9 vieraśnia).
Paśla hetaha 12 vieraśnia sietka abviaściła pra finalnaje źnižeńnie cen ad 70 da 90%. Na dadzieny momant adzinymi pracoŭnymi placoŭkami brenda zastajucca kramy ŭ staličnych HC «Śpiektr» i «Civali», pryčym u apošnim handlovy abjekt zakryjecca ŭžo 23 vieraśnia.
Pra pryčyny zakryćcia ni ŭ sacsietkach, ni na sajcie brend nie paviedamlaje.
Ciapier čytajuć
Biełarus-vachtavik na Jamale stvaraje pieśni na biełaruskaj movie z dapamohaj ŠI. «Raniej muzyka była zakrytym kłubam. Niejrasietki adčynili hetyja dźviery z nahi»
Kamientary