Łatvija płanuje praviarać usich hramadzian, jakija ŭjazdžajuć ź Biełarusi, Rasii i Kamieruna. Heta praduhledžvajuć padrychtavanyja Ministerstvam unutranych spraŭ (MUS) papraŭki da pravił ab dziaržavach, hramadzianie jakich, pretendujučy na vizu i dazvoł na žycharstva, padviarhajucca pravierkam. Papraŭki prachodziać stadyju ŭzhadnieńnia, piša Delfi.lv.
Dziejučyja praviły praduhledžvajuć, što Słužba dziaržaŭnaj biaśpieki (SDB) u supracoŭnictvie z Upraŭleńniem pa abaronie Satvierśmie (SAB) nie radziej za adzin raz na try hady pierahladajuć śpis takich krain i infarmujuć ab svaich prapanovach kiraŭnika MUS.
U hety raz SDB rekamienduje ŭklučyć u śpis Biełaruś, Kamierun i ŭsiu Rasiju (da hetaha času pravodziłasia dadatkovaja pravierka hramadzian RF, adrasam pražyvańnia abo miescam naradžeńnia jakich była Čačnia, Dahiestan, Inhušecija i Paŭnočnaja Asiecija).
Kali ŭrad uniasie źmieny ŭ praviły, u dalejšym pry vydačy viz abo vidaŭ na žycharstva budzie pravodzicca dadatkovaja pravierka hramadzian nazvanych krain — kab acanić, ci nie budzie ŭjezd zamiežnika pradstaŭlać pahrozu nacyjanalnaj biaśpiecy abo hramadskamu paradku.
Kali ŭklučeńnie Rasii i Biełarusi ŭ śpis abhruntoŭvajecca mierkavańniami biaśpieki, to ŭklučeńnie Kamieruna — tym, što kolkaść zajaŭ na atrymańnie doŭhaterminovaj vizy, padadzienych kamierunskimi hramadzianami, značna pavialičyłasia ŭ apošnija hady. U 2018 hodzie byli padadzienyja čatyry zajaŭki na vizu, u 2019 hodzie — 22, u 2020 — 83, u 2021-m — užo 216 zajavak.
Rašeńnie ab źmienach u praviłach pavinien pryniać Kabiniet Ministraŭ.
Vinakurniu Lubanskaha ŭ Minsku zakryŭ sakretny hmach, dzie zaprajektavanyja kabiniety dla dopytaŭ i pamiaškańnie dla spalvańnia dakumientaŭ9
Vinakurniu Lubanskaha ŭ Minsku zakryŭ sakretny hmach, dzie zaprajektavanyja kabiniety dla dopytaŭ i pamiaškańnie dla spalvańnia dakumientaŭ
Biełarus-vachtavik na Jamale stvaraje pieśni na biełaruskaj movie z dapamohaj ŠI. «Raniej muzyka była zakrytym kłubam. Niejrasietki adčynili hetyja dźviery z nahi»1919
Kamientary