Litva praciahvaje vydavać vizy tym, kamu pahražaje niebiaśpieka ŭ Biełarusi
Ministerstva zamiežnych spraŭ Litvy abvierhła infarmacyju pra toje, što ludzi, jakija biahuć z krain z tatalitarnym režymam, nie mohuć patrapić u krainu. Pra heta havorycca ŭ zajavie MZS.
«Paśla padziej u žniŭni 2020 hoda ŭ Minsku Vilnia stała najvažniejšym centram dziejnaści biełaruskaj hramadzianskaj supolnaści. Dziasiatki biełaruskich NKA i arhanizacyj hramadzianskaj supolnaści, aktyvisty i niezaležnyja žurnalisty, jakija nie mohuć pracavać u Biełarusi, abžylisia ŭ Litvie, tamu abvinavačvańni ŭ tym, što ludzi, jakija ratavalisia ad tatalitarnych režymaŭ, nie mohuć trapić u Litvu, nie adpaviadajuć rečaisnaści», — havorycca ŭ paviedamleńni.
Adznačajecca, što na patrabavańnie biełaruskich uładaŭ štat pasolstva ŭ Biełarusi byŭ skaročany da adnaho supracoŭnika, a Hienieralnaje konsulstva ŭ Hrodnie — zakrytaje. U MZS Litvy padkreślivajuć, što heta istotna abmiažoŭvaje mahčymaści vydačy viz biełarusam.
U litoŭskim viedamstvie taksama zajavili, što jano surjozna stavicca da ŭsich padadzienych zapytaŭ, praviaraje ich i vystupaje pasrednikam tolki ŭ tych vypadkach, kali zapyty abhruntavanyja.
«Ministerstva zamiežnych spraŭ budzie i dalej prykładać usie namahańni dla taho, kab Biełaruś, jakaja imkniecca da svabody, zastavałasia na paradku dnia jak litoŭskaj, tak i mižnarodnaj palityki, a ludzi, jakija zmahajucca suprać režymu, mahli na zakonnych padstavach pryjazdžać i pražyvać u Litvie», — havorycca ŭ zajavie.
Ciapier čytajuć
Vyjšaŭ na svabodu biełarus, jakoha ŭ svoj čas prysudzili da pažyćciovaha źniavoleńnia. Heta pieršy viadomy taki vypadak8
Kamientary