Літва працягвае выдаваць візы тым, каму пагражае небяспека ў Беларусі
Міністэрства замежных спраў Літвы абвергла інфармацыю пра тое, што людзі, якія бягуць з краін з таталітарным рэжымам, не могуць патрапіць у краіну. Пра гэта гаворыцца ў заяве МЗС.
«Пасля падзей у жніўні 2020 года ў Мінску Вільня стала найважнейшым цэнтрам дзейнасці беларускай грамадзянскай супольнасці. Дзясяткі беларускіх НКА і арганізацый грамадзянскай супольнасці, актывісты і незалежныя журналісты, якія не могуць працаваць у Беларусі, абжыліся ў Літве, таму абвінавачванні ў тым, што людзі, якія ратаваліся ад таталітарных рэжымаў, не могуць трапіць у Літву, не адпавядаюць рэчаіснасці», — гаворыцца ў паведамленні.
Адзначаецца, што на патрабаванне беларускіх уладаў штат пасольства ў Беларусі быў скарочаны да аднаго супрацоўніка, а Генеральнае консульства ў Гродне — закрытае. У МЗС Літвы падкрэсліваюць, што гэта істотна абмяжоўвае магчымасці выдачы віз беларусам.
У літоўскім ведамстве таксама заявілі, што яно сур'ёзна ставіцца да ўсіх пададзеных запытаў, правярае іх і выступае пасрэднікам толькі ў тых выпадках, калі запыты абгрунтаваныя.
«Міністэрства замежных спраў будзе і далей прыкладаць усе намаганні для таго, каб Беларусь, якая імкнецца да свабоды, заставалася на парадку дня як літоўскай, так і міжнароднай палітыкі, а людзі, якія змагаюцца супраць рэжыму, маглі на законных падставах прыязджаць і пражываць у Літве», — гаворыцца ў заяве.
Раптоўна памёр Уладзімір Усер — немалады актывіст, які ўляпаўся ў фільм БТ і шпіянаж у Польшчы29
Каментары