Parafijanam Čyrvonaha kaścioła zabaranili malicca i ŭ parafijalnym domie
Viernikam parafii Čyrvonaha kaścioła zabaranili malicca i ŭ parafijalnym domie. Jak stała viadoma «Chryścijanskaj vizii», ułady zapatrabavali spynić słužby.
Pa źviestkach «Chryścijanskaj vizii», raźvitalnaja imša, jakuju 12 kastryčnika celebravaŭ ksiondz Uładzisłaŭ Zavalniuk, stała apošniaj. Ułady zapatrabavali spynić słužby. U pamiaškańni adrazu paśla incydentu z «pažaram» 26-ha vieraśnia adklučyli elektryčnaść, vadu i aciapleńnie.
«Ad abščyny zapatrabavali vyzvalić pamiaškańnie da 13 kastryčnika i viarnuć kamplekt klučoŭ KUP «Minskaja spadčyna», — paviedamlaje «Chryścijanskaja vizija».
Jak stała viadoma, pryčynaj faktyčnaj zabarony na praviadzieńnie malitvaŭ u parafijalnym domie (plabanii) stała toje, što budynak pazbaŭleny vady, ciapła i elektryčnaści, bo źjaŭlajecca častkaj adzinaha z kaściołam kompleksu i źviazany ź im ahulnymi inžyniernymi sietkami.
Jašče 5 kastryčnika kiraŭnik «Minskaj spadčyny» Alaksandr Kochan nakiravaŭ list «Ab ekspłuatacyi budynka» probašču Čyrvonaha kaścioła ks. Uładzisłavu Zavalniuku. Pakolki budynak kaścioła vyviedzieny z ekspłuatacyi, padobnyja ž kroki zroblenyja i ŭ dačynieńni da plabanii.
U kancy vieraśnia ŭłady skasavali damovu karystańnia Čyrvonym Kaściołam z supolnaściu «Rymska-katalickaja parafija śviatoha Symona i śviatoj Aleny». Adpaviednaje apaviaščeńnie atrymali kaścielnyja ŭłady. Da 12 kastryčnika vierniki pavinny byli pakinuć budynak.
Čytajcie taksama:
Biskup Kasabucki ksiandzu Zavalniuku: Na zdymkach padajecca, što vy adzin. Ale vy nie adzin
Viernikam na čale z ksiandzom Uładzisłavam Zavalniukom siłaviki zaminali malicca na prystupkach začynienaha Čyrvonaha kaścioła
Ułady zabirajuć u viernikaŭ Čyrvony kaścioł. Što budzie dalej?
«My jamu daviarajem». Čamu źnikłuju Mielnikavu zamianiŭ mienavita eks-vajskoviec Paciechin?1
Kamientary