Dźvie kampanii ź biełaruskimi karaniami ŭvajšli ŭ top-3 IT-kampanij u Litvie
Mienš čym za hod kampanii ź biełaruskimi karaniami EPAM i Wargaming uvajšli ŭ trojku najbujniejšych infarmacyjnych biznesaŭ i ŭ top-250 padatkapłacielščykaŭ susiedniaj krainy, paviedamlaje Officelife.media.
Pavodle źviestak Dziaržaŭnaj padatkovaj inśpiekcyi pry Ministerstvie finansaŭ Litvy, pa vypłačanych u hetym pieryjadzie padatkach EPAM Sistemos i Wargaming Vilnius sastupili tolki data-centru amierykanskaj karparacyi Western Union — Western Union Processing Lithuania.
Pa abarotach i, adpaviedna, padatkovych płaciažach litoŭskija dočki EPAM Systems i Wargaming Group akazalisia napieradzie, naprykład, takich kampanij, jak IBM Lietuva, pieršaha litoŭskaha startapa-adzinaroha Vinted i miascovaha padraździaleńnia amierykanskaj IT-karparacyi Cognizant Technology Solutions DEBRIDGE LT.
Upieršyniu ŭ hetym hodzie EPAM systems i Wargaming Vilnius byli ŭklučanyja i ŭ top-500 najvažniejšych padatkapłacielščykaŭ krainy. Pa vynikach dzieviaci miesiacaŭ jany zdoleli padniacca ŭ pieršuju častku śpisu: Epam Sistemos z sumaj vypłat €6,1 młn stała 177-j, Wargaming Vilnius — €5,2 młn — 206-j.
Usiaho ŭ miascovaj IT-industryi pradstaŭleny bolš za try dziasiatki kampanij ź biełaruskimi ŭłaśnikami. Bolšaść ź ich zarehistravanyja na praciahu apošnich dvuch hadoŭ. U dvaccatku najvažniejšych u halinie, akramia EPAM Sistemos i Wargaming Vilnius, uvachodziać taksama Gurtam i Andersen Soft. Pa vynikach studzienia-vieraśnia jany zapłacili ŭ litoŭskuju kaznu pa €1,8 młn i €1,7 młn adpaviedna.
Ciapier čytajuć
Miaža Biełarusi ź Litvoj budzie zakryta minimum da sierady13
Kamientary
I toje, jak jany pierakłali hrošy sa svajoj kišeni ŭ rasiejskuju, robiačy vyhlad, što razryvajuć usi stasunki z maskalami, ale ž nasamreč praciahvajuć rabić biznes jak i raniej, prosta robić heta ad imia svajho satelita - "Lesty".