Tart z kukuruznymi šmatkami — aryhinalnaje vykarystańnie zvykłaha praduktu

Kab zhatavać tart z kukuruznymi šmatkami, vam spatrebicca:

• 190 hramaŭ muki + dadatkovaja muka dla pasypańnia
• 150 hramaŭ astudžanaha masła
• 1 stałovaja łyžka cukru
• drobka soli
• 1 stałovaja łyžka małaka
• 120 hramaŭ naturalnaha ci štučnaha miodu, załatoha siropu ci inšaha siropu
• 130 hramaŭ kukuruznych šmatkoŭ
• 75 hramaŭ kłubničnaha ci malinavaha vareńnia
• viarški ci zavarny krem dla padačy

1. Parežcie 90 hramaŭ masła kubikami. Źmiašajcie parezanaje masła, muku, sol i cukar u kuchonnym kambajnie ci miksiery i ŭźbivajcie, pakul sumieś nie stanie adnarodnaj i padobnaj da panirovačnych sucharoŭ. Ulicie małako i ŭźbivajcie, pakul ciesta nie pačnie źbiracca ŭ adnu masu. Vykładzicie ciesta na pracoŭnuju pavierchniu, źbiarycie jaho ŭ šar i pryciśnicie, kab atrymaŭsia dysk. Zaharnicie ŭ charčovuju plonku i pakładzicie ŭ chaładzilnik na 30 chvilin.
2. Razharnicie ciesta i raskačajcie jaho na trochi prysypanaj mukoj pavierchni da dyjamietra prykładna 32 santymietry. Adnačasova prysypajcie ciesta mukoj, kab jano nie prylipała da pracoŭnaj pavierchni. Jašče trochi prysypcie ciesta mukoj i raskačajcie jaho na kačałcy, potym pierakładzicie ciesta ŭ formu dla tartaŭ dyjamietram 24 santymietry sa zdymnym dnom. Akuratna pryciśnicie ciesta da formy i pakińcie lubyja reštki ciesta, jakija ŭ jaje nie źmiaścilisia. Astudzicie formu ź ciestam i razahrejcie duchoŭku da 200 hradusaŭ.
3. Kali duchoŭka razahrełasia, dastańcie ciesta z chaładzilnika. Vaźmicie vialiki kvadratny kavałak papiery dla vypiakańnia, skamiačcie jaho ŭ šar, potym raspraŭcie i paścialicie jaho navierch ciesta. Nasypcie na papieru fasolu, kab ciesta nie ŭźniałosia, i vypiakajcie ciesta 15 chvilin, potym prybiarycie z formy fasolu i papieru. Pastaŭcie asnovu dla tarta ŭ duchoŭku jašče na 5—10 chvilin, pakul dno piraha nie stanie trochi załacistym, a vierch bakoŭ — rumianym. Pakul asnova jašče haračaja, vaźmicie vostry nož i abrežcie toje ciesta, što nie źmiaściłasia ŭ formu.
4. Parežcie na kavałki 60 hramaŭ masła. Źmiašajcie ŭ kastruli masła, załaty sirop ci miod i sol, razahravajcie sumieś na siarednim ahni, pakul masła nie rastanie. Dazvolcie sumiesi pakipieć 1 chvilinu, potym zdymicie z ahniu. Dadajcie ŭ haračy sirop šmatki, sačycie za tym, kab jany nie źbivalisia ŭ kamiaki. Pieramiašajcie, kab usie šmatki byli pakrytyja siropam. Vykładzicie vareńnie na asnovu dla tarta, potym raźmiarkujcie pavierch jaho słoj sa šmatkoŭ. Trochi pryciśnicie, kab načyńnie było roŭnaje.
5. Źmienšycie tempieraturu ŭ duchoŭcy da 180 hradusaŭ i vypiakajcie tart jašče 5—10 chvilin, pakul jon nie padpiačecca. Astudzicie, narežcie i padavajcie ź viarškami ci z zavarnym kremam.

Čytajcie taksama:

Recept na vychadnyja. Tradycyjny anhlijski piroh starhiejzi — strava, jakoj vy dakładna ździvicie

Čatyry sposaby zrabić svaju kavu bolš karysnaj

Recept na vychadnyja. Pudynh Jevy — 200-hadovaja brytanskaja strava

• 3
• 0
• 0
• 1
• 0
• 0
• 1
• 0