Vierniki Čyrvonaha kaścioła: Dahetul nie majem kankretnych adkazaŭ na našy zvaroty da dziaržaŭnych orhanaŭ
Minskaja katalickaja parafija śviatych Symona i Aleny naperedadni Dziadoŭ admysłova adznačyła, što nie maje narmalnaj kamunikacyi z uładami pa situacyi z zakrytym Čyrvonym kaściołam.
«Dahetul na ŭsie našyja zvaroty da dziaržaŭnych orhanaŭ my nie atrymali kankretnych adkazaŭ. Trymajemsia dalej u ružancovaj malitvie vakoł kaścioła i doma ŭ siemjach», — paviedamlajecca na parafijalnym sajcie.
U parafii nahadali, što 2 listapada ŭ Biełarusi tradycyjna ŭzhadvajuć usich spačyłych viernikaŭ. Supolnaść zaklikali asabliva malicca za «ŭsich pamierłych, jakija ŭdzielničali ŭ budaŭnictvie kaścioła, baraćbie za jaho viartańnie viernikam u 1990 hodzie, a taksama ŭsich, chto ŭ roznyja časy maliŭsia ŭ našym kaściole».
Nahadajem, nočču 26 vieraśnia ŭ kaściole adbyŭsia pažar. U toj ža dzień Administracyja Maskoŭskaha rajona pryniała rašeńnie časova zabaranić ekspłuatacyju budynka. Kaścioł adklučyli ad usich kamunikacyj. Minharvykankam zajaviŭ, što ŭładalnik budynka, KUP «Minskaja spadčyna», nie moža vykonvać abaviazacielstvy pa damovie i zapatrabavaŭ ad relihijnaj abščyny vyzvalić budynak ad ruchomaj majomaści dla praviadzieńnia ramontna-adnaŭlenčych rabot.
Čytajcie taksama:
Ułady: Čyrvony kaścioł zastaniecca kaściołam, ale ciapier treba «kanstruktyŭna spracavacca»
«Ja nie sustrakaŭ nivodnaha vajskoŭca, chto b nie pavažaŭ Drapataha»: na čale USU staŭ kamandzir novaha pakaleńnia. Što ŭjaŭlaje saboj Michaił Drapaty?
Kamientary