U hetaj hustanasielenaj krainie ŭvodziać kryminalnaje pakarańnie za seks da šlubu. Raspaŭsiudžvacca budzie i na zamiežnikaŭ
Indaniezijski parłamient zaćvierdziŭ Kryminalny kodeks z pałažeńniami ab pakarańni za pałavyja adnosiny da šlubu i abrazu prezidenta, a taksama vice-prezidenta, paviedamlaje RBK.
Ciapier jaho pavinien zaćvierdzić prezident krainy Džoka Vidoda. Akramia taho, praduhledžany trochhadovy pierachodny pieryjad, padčas jakoha buduć raspracoŭvacca dadatkovyja praviły prymianieńnia novych pałažeńniaŭ Kodeksa.
Jak adznačaje ahienctva, byŭ pierahledžany Kryminalny kodeks, pryniaty paśla abviaščeńnia niezaležnaści Indaniezii ad Niderłandaŭ u 1949 hodzie. «Stary kodeks naležyć hałandskaj spadčynie i nie aktualny ciapier», — zajaviŭ kiraŭnik adkaznaj za pierahlad Kodeksa parłamienckaj kamisii Bambanh Vuryjanta.
Za seks da šlubu Kodeks uvodzić pakarańnie da hoda turmy, zabaroniena taksama sumiesnaje pražyvańnie par, jakija nie znachodziacca ŭ šlubie.
Dziejańnie novaha Kryminalnaha kodeksa raspaŭsiudžvajecca nie tolki na hramadzian Indaniezii, ale i na zamiežnikaŭ.
Małady biełarus nie chacieŭ siadzieć u Rasii za narkotyki, tamu prydumaŭ, jak chutka vyjści z kałonii — i vyjšaŭ na ŭkrainskija pazicyi pad Pakroŭskam44
Kamientary