Biznesmien Alaksandr Muraŭjoŭ pieraviedzieny z kałonii na «chimiju» i, imavierna, nieŭzabavie vyjdzie na volu
Jak stała viadoma «Našaj Nivie», biznesmien Alaksandr Muraŭjoŭ, jaki ŭ 2017-m hodzie atrymaŭ 11 hod kałonii strohaha režymu z kanfiskacyjaj pa «spravie Motavieła», imavierna, chutka akažacca na voli — jamu ŭžo źmianili mieru ŭtrymańnia.
Alaksandr Muraŭjoŭ byŭ zatrymany ŭ 2015-m hodzie, na toj momant jon zajmaŭ 36-ty radok u rejtynhu top-200 samych paśpiachovych biznesmienaŭ Biełarusi.
Nahodaj dla zatrymańnia staŭ stan spravaŭ na šmatpakutnym minskim «Motavieła», jaki znachodziŭsia ŭ kiravańni struktur Muraŭjova z 2007-ha.
U žniŭni 2007 hoda Biełaruś pradała 99,72% statutnaha fondu AAT «Motavieła» aŭstryjskaj kampanii ATEC Holding GmbH, jakaja naležała Muraŭjovu.
Adnak praź piać hadoŭ, u vieraśni 2013-ha, Alaksandr Łukašenka naviedaŭ «Motavieła», zastaŭsia niezadavoleny jaho pracaj i zapatrabavaŭ biezumoŭnaha vykanańnia płanaŭ pa jaho raźvićci.
Łukašenka tady nahadaŭ, što adnoj z najbolš važnych umoŭ prodažu «Motavieła» było zachavańnie jaho śpiecyjalizacyi i ŭkładańnie ŭ 2007—2012 hadach u raźvićcio vytvorčaści nie mienš za 20 młn dalaraŭ, adnak pastaŭlenyja ŭmovy byli vykananyja tolki častkova, a čverć płoščaŭ zdavałasia ŭ arendu.
U červieni 2015 hoda Muraŭjoŭ byŭ zatrymany. Pytańni ŭ śledstva byli nie tolki da pracy «Motavieła», ale i škłozavodaŭ u Jalizavie i Homieli, stvoranych z udziełam ATIES Holding GmbN. Škłozavod «Jalizava» byŭ pryznany bankrutam.
U 2017-m Muraŭjova sudzili i pryznali vinavatym pa ŭsich złačynstvach, jakija jamu stavilisia ŭ vinu: machlarstva (č. 4 art. 209), kradziež (č. 4 art. 210), uchileńnie ad vypłaty padatkaŭ (č. 2 art. 243), arhanizacyja i dapamoha ŭ ździajśnieńni złačynstvaŭ (art. 16).
Paśla prysudu ŭ 11 hod pa rašeńni suda dziaržavie adyšli i ŭsie akcyi AAT «Motavieła», jakija naležali Muraŭjovu.
Na sudzie Muraŭjoŭ kazaŭ, što ŭ KDB u jaho vymahali hrošy.
Jak viadoma «Našaj Nivie», u vyniku šerahu amnistyj i adsutnaści spahnańniaŭ, Alaksandr Muraŭjoŭ užo pieraviedzieny z kałonii strohaha režymu ŭ adnu z kałonij-pasialeńniaŭ (hetak zvanaja «chimija»).
Taksama viadoma, što Muraŭjoŭ, jaki daskanała vałodaje niamieckaj movaj (niejki čas jon žyŭ u Aŭstryi), vučyć joj inšych viaźniaŭ.
Imavierna, praź niejki čas jon akažacca całkam na svabodzie.
Małady biełarus nie chacieŭ siadzieć u Rasii za narkotyki, tamu prydumaŭ, jak chutka vyjści z kałonii — i vyjšaŭ na ŭkrainskija pazicyi pad Pakroŭskam44
Kamientary