Mužčyny-biełarusy nazvali čatyry pamyłki žančyn, jakija paralizujuć ich u łožku
«Naša Niva» paprasiła čatyroch biełarusaŭ roznaha ŭzrostu i prafiesij raskazać pra toje, čaho jany bajacca ŭ łožku. Niekatoryja adkazy byli typovyja, a niekatoryja nas ździvili.
«Jana kamandavała mnoju, jak kaniom»
«Horš za ŭsio, kali žančyna ŭ łožku pačynaje hołasam kamandavać, što i jak rabić, — kaža 26-hadovy Ivan. — Tak vielmi kankretna, pa punktach. Zaraz rabi heta. Paśla heta siudy. Paśla davaj tak. Ja adzin raz sustreŭ vielmi pryhožuju dzieŭku, nu realna vielmi pryhožuju, na spabornictvach. Ale pieršy seks byŭ poŭnym fijaska. Jana kamandavała mnoju, jak kaniom. Ci jak instruktar pa kiravańni. Zabudź, skazaŭ ja sabie. Choć joj, zdajecca, u vyniku spadabałasia, jana chacieła sustrakacca dalej».
Kali mužčynam pačynajuć kamandavać u łožku, jon baicca, što i ŭ pobycie jaho zaturkajuć. Akramia taho, mužčynu padčas blizkaści važna kiravacca svaimi instynktami.
«Lažała jak kałoda»
U toj ža čas mužčynam nie padabajecca, kali žančyna biezemacyjnaja ŭ łožku.
«Majoj pieršaj dziaŭčynaj była adnakurśnica, my žyli ŭ adnym internacie. Jana była vielmi miłaja, cichaja, akuratnaja. Bulbu smažyła i katlety mnie, mianie heta ŭražvała: u internacie, a ŭmieje chatniuju ŭtulnaść stvaryć. Ale kali praz paŭhoda adnosin dajšło da seksu, niejak nie pajšło. Jana lažała jak kałoda, nieruchoma, nijakich emocyj. Nu i my razyšlisia. Ja pačaŭ sustrakacca ź inšaj dziaŭčynaj, my ažanilisia praz dva hady paśla skančeńnia ŭniviera, a byłaja dziaŭčyna pajechała pa raźmierkavańni i vyjšła zamuž za prakurora. Ja ščaślivy, u nas čaćviora dziaciej. Zdajecca, u majoj pieršaj dziaŭčyny taksama ŭsio narmalna. Kožnamu — svajo», — kaža 46-hadovy Siarhiej.
«Čaho ž ty ź im nie žyvieš?»
Mužčynam nie padabajecca, kali ich paraŭnoŭvajuć ź inšymi mužčynami ci partniorami.
«Ja byŭ u adnosinach z žančynaj u razvodzie. Pamiataju, jana mianie prybiła svajoj zajavaj «voś moj były muž…» Čaho ž ty tady nie žyvieš ź im, kali jon lepšy? Paśla toj zajavy paśla seksu ŭ nas pajšła raskolina. Mnie stała jasna, što jana mnoju niezadavolenaja, ja nie adčuvaŭ u jaje radaści ad seksu sa mnoju. A adčuvańnie, što ty jaje nie zadavalniaješ, ciabie błakuje. Adno za druhim — i ŭsio rassypałasia.
Dziaŭčyna, ź jakoj ja ažaniŭsia, mnie nikoli ničoha takoha nie kazała. My radujemsia blizkaści. Z toj žančynaj u mianie nie było adčuvańnia radaści ad seksu — u jaje. U mianie z hetym praściej — z radaściu. Ale mnie važna adčuvać radaść žančyny, kab jana atrymlivała asałodu», — kaža 38-hadovy Adam.
«Ty moj kocik, prosta źvier!»
Jašče adnamu mužčynu nie padabajecca praźmiernaje siusiukańnie.
«Kali mianie padčas hetaha pačynajuć chvalić, mianie heta vyrubaje. Maja byłaja žonka hetym vyłučałasia. «Supier!», «Zajčaniatka moj, ty taki kruty». «Ty moj kocik, ty prosta źvier!» — mianie heta dematyvavała nasamreč. U hetym byŭ niejki falš, jak u naviaźlivych rolevych hulniach. Mnie chaciełasia prostaha seksu, biez tannych pryjomaŭ. U nas jašče nie było dziaciej, i my ŭ vyniku biez asablivaha bolu razyšlisia», — raskazvaje 34-hadovy Juryj.
Ciapier čytajuć
Palitviazień raskazaŭ, jak zvyčajnyja kryminalniki abjavili haładoŭku, kab palepšyć umovy ŭtrymańnia palityčnych3
Kamientary