Šeść biełaruskamoŭnych tyktokaŭ, pra jakija vy mahli nie viedać

@natatnik (Natatnik Belarus)

«Zdymajem tajamničuju i pryhožuju Biełaruś», — pišuć pra siabie aŭtary hetaha akaŭnta. Na ich rolikach zakinuty dziciačy łahier, 100-hadovaja majsternia ź biełaruskaj vioski, dyjalektny paleski vierš i bahata inšych cikavych faktaŭ, jakija vy naŭrad ci znojdziecie ŭ kahości inšaha. A jašče padkasty i tradycyjnyja recepty, naprykład, kłasičny recept smažanki.

Watch on TikTok

Najbolš prahladaŭ (931 tysiaču) sabraŭ rolik z doŭhaj nazvaj, jakaja pačynajecca dosyć pravakacyjna, — «Čamu biełarusy nie bulbašy». Jon razburaje stereatypy. U kamientarach da videa bahata dopisaŭ ad ludziej, jakija zachaplajucca pryhažościu biełaruskaj movy.

Watch on TikTok

@illasiucou (illa siŭcoŭ)

Małady tyktokier pryśviaciŭ svoj akaŭnt biełaruskaj movie i składanym vypadkam u joj, ź jakimi moža sutyknucca kožny. Naprykład, ci viedajecie vy, jak padabrać u biełaruskaj movie naležny adpaviednik papularnamu ruskamu dziejasłovu «obŝaťsia»? A jak jašče nazvać pa-biełarusku «buterbrod»? Ilja adkazvaje na ŭsie hetyja pytańni.

Watch on TikTok

Jašče chłopiec vybiraje słova dnia, i čaściej za ŭsio heta niešta, pra što vy naŭrad ci čuli raniej. Tut možna vyvučyć słoŭcy nakštałt «kaduk», «anihadki», «pryšłaść» i inšyja — čym nie znachodka dla tych, chto choča ŭzbahacić svajo maŭleńnie? Narešcie, Ilja raskaža i pra eratyčnuju leksiku, navučyć łajacca, vitacca i žadać smačna jeści pa-biełarusku — i šmat inšaha.

Watch on TikTok

@ellgone (Lizaveta Hancharova)

Utulny akaŭnt ad Lizaviety Hančarovaj, maładoj ilustratarki, jakaja žyvie ŭ Krakavie. Dziaŭčyna pakazvaje na svajoj staroncy pryhažość, ź jakoj sutykajecca (jak vam Opiera Harńje ŭ Paryžy?), a taksama ščyra raskazvaje pra pieražyvańni emihrantki i byłoj źniavolenaj biełaruskaj turmy.

Lizavieta dzielicca i tym, što jaje natchniaje, u tym liku pieśniami, vieršami i ilustracyjami, zroblenymi, vidać, ułasnaručna. Nie zabyvaje dziaŭčyna i pra pytańni biełaruskaj movy — niekalki videa pryśviečanyja jakraz joj. 

@alicetsyos (Cioś/Cioś)

Na prastorach tyktoku znajšłosia miesca i biełaruskaj łacincy. U svaich rolikach jaje pradstaŭlaje junaja tyktokierka Alisa.

Watch on TikTok

Hety akaŭnt vyłučajecca jašče i svajoj estetykaj. Tut vam i padarožžy pa Biełarusi, i haradskija piejzažy, i pryhožyja narodnyja kaściumy (časam u niezvyčajnym asiarodździ). Zdajecca, sapraŭdnaje charastvo — toje, što nam usim ciapier patrebna.

@afmarie (mary_afonina)

Roliki ŭ akaŭncie @afmarie vostryja, biez anijakich škadavańniaŭ da biełarusafobaŭ. Ułasna, dyskryminacyja biełaruskaj movy i jość adna z tem, pra jakija kaža aŭtarka akaŭnta. 

Watch on TikTok

Maładaja błohierka i fieministka zdymaje roliki i pra naviny z radzimy nakštałt pryznańnia łozunha «Žyvie Biełaruś» zabaronienym, i pra smačnuju biełaruskuju ježu. Niejki čas dziaŭčyna pražyła va Ukrainie — adhetul, mahčyma, i ŭkrainskaja mova ŭ niekatorych rolikach.

@bjapru

Watch on TikTok

Pazityŭny akaŭnt, pryśviečany biełaruskaj movie i roznym trapnym słoŭcam, jakija vy mahli nie viedać. Prostaja i ščyraja padača, fajny nastroj plus aryhinalny vobraz aŭtara — vidać, voś sakret, čamu @bjapru maje 520 tysiač padpisantaŭ.

Watch on TikTok

Papularnyja rubryki apošniaha času ŭ akaŭncie — «Słova dnia» i «Biełaruskija maciuki», ale svaje paŭmiljona padpisantaŭ @bjapru zarabiŭ i na inšym kantencie. Tut jość videa ź biełaruskaj łacinkaj i roliki, pryśviečanyja prostamu studenckamu žyćciu — karaciej, usio jak maje być, kali tabie 19 hadoŭ.

Watch on TikTok

Jak pieravieści sacsietki i miesiendžary na biełaruskuju movu

Dzieviać mabilnych prahram, jakija pavialičać kolkaść biełaruskamoŭnaha kantentu ŭ vašym žyćci

«Maja maci choča novuju krainu, jana razumieje, što dziela hetaha treba pačać ź siabie». Dziaŭčyna raskazała, jak jaje maci pryjšła da biełaruskaj movy

• 8
• 0
• 0
• 0
• 0
• 1
• 1
• 0