«Chryścijanskaja vizija» źviarnułasia da Papy z prośbaj paspryjać vyzvaleńniu Darji i Ihara Łosikaŭ
Hrupa «Chryścijanskaja vizija» vykazała salidarnaść ź siamjoj Łosikaŭ i źviarnułasia da Papy z prośbaj paspryjać spynieńniu ich niespraviadlivaha pieraśledu.
«My ličym Ihara i Darju Łosikaŭ sumleńniem biełaruskaha naroda ŭ svaim bieskampramisnym prytrymlivańni praŭdy, adstojvańni pravoŭ čałavieka i ŭłasnaj hodnaści pierad tvaram dyktatury i źniščeńnia hramadzianskaj supolnaści ŭ Biełarusi. My taksama zachaplajemsia kachańniem i addanaściu muža i žonki adno adnamu», — piša inicyjatyva.
«Chryścijanskaja vizija» źviarnułasia da ŭładaŭ z prośbaj, kab «jak minimum zamianić mieru kryminalnaha pakarańnia ŭ dačynieńni da Darji Łosik na nieźviazanaje z pazbaŭleńniem voli». Darja Łosik, znachodziačysia ŭ Biełarusi apošnija try hady, prademanstravała, što nie maje namieru pakidać terytoryju krainy. Jana nie ažyćciaŭlała nijakich hvałtoŭnych dziejańniaŭ abo dziejańniaŭ, jakija parušajuć hramadski paradak, nijakaj niebiaśpieki dla akružajučych jaje ludziej jana nie ŭjaŭlaje. Jaje prysutnaść nieabchodnaja dla vychavańnia i kłopatu pra jaje małaletniuju dačku Paŭlinu, źviartaje ŭvahu «Chryścijanskaja vizija».
Taksama inicyjatyva źviarnułasia da Papy Franciška. «Prosim paspryjać chutčejšamu vyzvaleńniu Darji Łosik i viartańniu jaje da dački», — napisali inicyjatary lista. Raniej da Papy źviartaŭsia sam Ihar Łosik. Adkazu jon nie atrymaŭ.
19 studzienia sudździa Mikałaj Hryharovič prysudziŭ Dar‘i Łosik dva hady pazbaŭleńnia voli ŭ kałonii ahulnaha režymu. Jaje muž Ihar asudžany da 15 hadoŭ. Ich dačku Paŭlinu ciapier vychoŭvajuć babula i dziadula.
Ciapier čytajuć
Chitry rasijanin Jaŭhien z žonkaj i małym prydumali, jak biaspłatna pažyć u kvatery biełaruski28
Chitry rasijanin Jaŭhien z žonkaj i małym prydumali, jak biaspłatna pažyć u kvatery biełaruski
«Ja nie bomž, u mianie navat biełyja škarpetki». U Minsku dziaŭčyna z Łuhanska raskłała pałatku prosta ŭ padjeździe šmatpaviarchovika, ustryvožyŭšy žycharoŭ2020
Kamientary
a jany tut pra niejkuju zusim boham zabytuju Biełaruś