U Minsku pradajuć dva pratatypy Jo-mabilaŭ. Kolki prosiać za aŭto, jakija mohuć pierasoŭvacca tolki na evakuatary
U prodažy ŭ Minsku zaŭvažanyja dva pratatypy Jo-mabila.
Na pačatku 2010 hoda rasijskija raspracoŭščyki źbiralisia naładzić sieryjny vypusk hibrydnych i elektryčnych aŭtamabilaŭ ułasnaj raspracoŭki i vytvorčaści. Amal adrazu da prajekta dałučylisia biełarusy. U sieryjnuju vytvorčaść aŭtamabili spačatku płanavali zapuścić u 2012 hodzie, paźniej datu pieranieśli na 2015 hod. Ale da sieryjnaha vypusku tak i nie dajšło. U 2014 hodzie prajekt zakryŭsia.
Paśla hetaha nikomu nie patrebnyja pratatypy pryvieźli ŭ Biełaruś.
Dva ź ich ciapier u prodažy. U Minsku vystaŭleny trochdźviernaje Jo-kros-kupe i Jo-furhon.
Abodva aŭtamabili niaspraŭnyja. U ich adsutničajuć ruchaviki i elemienty sałona. Pierasoŭvacca Jo-mabili mohuć tolki na evakuatary.
Pradaviec adznačaje, što ekskluziŭnyja pratatypy — kalekcyjnyja ekzemplary.
«Idealny dla brendavańnia šoukar, rekłama aŭtabrenda i h.d.», — paznačana ŭ apisańni.
Kožny ź Jo-mabilej acenieny ŭ 17 tysiač dalaraŭ.
Papiaredni raz Jo-mabili vystaŭlali na prodaž u 2018 hodzie, tady ŭ Minsku prapanavali adrazu 6 aŭto. Pradaviec udakładniaŭ, što aŭtamabili znachodziacca ŭ «roznym stanie», ad čaho i budzie zaležać vynikovaja cana. Papiarednie jany byli acenienyja ŭ 79 000 dalaraŭ.
Čytajcie taksama:
Źmianilisia praviły kupli-prodažu ŭžyvanych aŭtamabilaŭ
Letaś fizasoby impartavali ŭ 2,4 raza bolš mašyn, čym hod tamu. Jakija aŭto čaściej vieźli ź Jeŭropy i ZŠA?
Ciapier čytajuć
Hałoŭnym śpikieram Žanočaha forumu ŭ Minsku stanie rasijski kryndžovy psichołah, jaki raskazvaŭ pra «pamiać žanočych pałavych hub»15
Kamientary