Rasijski komik Ślepakoŭ zapisaŭ pieśniu pra zabitaha rasijskaha sałdata. Suprać jaho zaklikajuć zavieści «kryminałku»
«Fond abarony nacyjanalnaj histaryčnaj spadčyny» źviarnuŭsia da kiraŭnika Śledčaha kamiteta RF Alaksandra Bastrykina z prośbaj pravieryć Siamiona Ślepakova na pradmiet «dyskredytacyi» rasijskaj armii z-za jaho pieśni «Kałychanka» ab zahinułym rasijskim sałdacie.
Raniej hety fond źviarnuŭsia ŭ Miniust z prośbaj unieści komika ŭ rejestr «zamiežnych ahientaŭ». Jaho pieśnia, jak zajaŭlajuć u fondzie, «dyskredytuje vykarystańnie Uzbrojenych sił Rasijskaj Fiederacyi ŭ metach abarony intaresaŭ Rasijskaj Fiederacyi i jaje hramadzian, padtrymańnia mižnarodnaha miru i biaśpieki, a taksama iranizuje nad ščyrymi pačućciami patryjatyzmu hramadzian RF, jakija hatovy dziela svajoj krainy achviaravać samym kaštoŭnym i navat ułasnym žyćciom».
Ślepakoŭ vykłaŭ pieśniu 24 studzienia. U kałychancy maci trochhadovaha syna nazyvaje «strašnym voraham» «ukranacysta», ad jakoha «ŭsie našy niahody», i vykazvaje škadavańnie, što jaje małodšaje dzicia nie moža adpravicca «kryšyć» ukraincaŭ. Jaje starejšy syn zahinuŭ na vajnie va Ukrainie, a siaredni — «zdradnik» — zjechaŭ u Jeŭropu, da «sadamitaŭ».
Za dva dni pieśnia nabrała 470 tysiač prahladaŭ na jutubie.
Pahladzieli film «Piaščotna da siabie», źniaty pa dzika papularnaj biełaruskaj knizie — pra zaciukanuju žančynu, jakuju chočuć zrabić dla ŭsich zručnaj33
Kamientary