Vienhierski ministr zamiežnych spraŭ raskazaŭ, navošta lotaŭ u Minsk
Kiraŭnik MZS Vienhryi Pieter Sijarta raskazaŭ žurnalistam pra metu svajho vizitu ŭ Minsk 13 lutaha, paviedamlaje «Radyjo Svaboda». Pavodle jaho, jon prosta pieradaŭ biełaruskamu boku prośbu nie rabić zachadaŭ, jakija mohuć pryvieści da zaciahvańnia abo pašyreńnia vajny va Ukrainie.
Taksama Sijarta nazvaŭ fantazijami hipotezy, što ŭ Minsku jon moh sustrakacca z pradstaŭnikami Rasii. Maŭlaŭ, kali b jamu treba było niešta abmierkavać z rasijanami, to jon pajechaŭ by nie ŭ Minsk, a ŭ Maskvu.
«Ni ja, ni chto-niebudź z členaŭ majoj delehacyi nie vioŭ pieramovy ni z kim, akramia biełaruskich pieramoŭnikaŭ», — zajaviŭ vienhierski ministr.
Pieteru Sijarta, jak i premjer-ministru Vienhryi Viktaru Orbanu, časta zakidajuć praźmiernuju supracu z Maskvoj.
Pieter Sijarta prylataŭ u Minsk 13 lutaha. Papiaredni raz pradstaŭnik Vienhryi, sam premjer Viktar Orban, pabyvaŭ u Biełarusi 5 červienia 2020 hoda, jašče da vybaraŭ, pratestaŭ i represij. Paśla taho pradstaŭniki krain Jeŭrasajuza na ŭzroŭni premjeraŭ ci kiraŭnikoŭ MZS u Biełaruś nie pryjazdžali.
Ciapier čytajuć
«Źviažyciesia z nami»: Prakopjeŭ napisaŭ kałonku dla «NN», u jakoj abhruntoŭvaje znachodžańnie Cichanoŭskaha ŭ Štatach i prosić hrošaj60
«Źviažyciesia z nami»: Prakopjeŭ napisaŭ kałonku dla «NN», u jakoj abhruntoŭvaje znachodžańnie Cichanoŭskaha ŭ Štatach i prosić hrošaj
Halina Dzierbyš kazała prakuroru: «Jak pamru, budu da ŭsich vas nočču prychodzić». I žyćcio ŭžo dahnała jaje sudździu i śviedak. Historyja piensijanierki, jakoj dali 20 hadoŭ kałonii1515
Kamientary