Hramadstva2929

«Nastrojeny vyžyć». Źniavolenaja raskazała pra sustreču z synam Babaryki na Vaładarcy

Eduarda Babaryku ŭtrymlivajuć u niavoli biez suda rekordnyja 2,5 hoda. Jaho schapili 18 červienia 2020 hoda, i ad toj pary źviestak pra palitviaźnia vobmal. Na Vaładarcy ź im vypadkova pierasiekłasia palitźniavolenaja Valeryja Čarnamorcava, jakoj udałosia źbiehčy ź Biełarusi paśla taho, jak joj pryznačyli 2,5 hoda «chatniaj chimii».

Eduard Babaryka. Fota: babariko.vision

Na Vaładarcy arhanizatarku vandrovak i historyka Čarnamorcavu ŭtrymlivali, pakul viałosia śledstva i razhladali jaje spravu ŭ sudzie: z kastryčnika 2022 pa 16 studzienia 2023 hoda. Pravaabaroncy pryznali Valeryju Čarnamorcavu palitviaźniem. 

Eduarda Babaryku jana bačyła ŭ śniežni la kabinietaŭ dla sustreč źniavolenych z advakatami ci śledčymi.

«Pakul stajali ŭdalečyni achoŭniki, ja paśpieła skazać jamu «Žyvie» i pakazać kułak. Maŭlaŭ, trymajsia», — raskazvaje Čarnamorcava pra sustreču.

Pa jaje słovach, Eduard vyhladaje «davoli dobra» i robić uražańnie čałavieka, jaki «nastrojeny vyžyć u niavoli».

«Kali čałaviek choča vyžyć, to jon trymaje siabie ŭ dobraj fizičnaj formie. Robić praktykavańni, chodzić na prahułki. Jak, naprykład, taja ž Marfa Rabkova, ź jakoj ja siadzieła. Jana ŭ šykoŭnaj formie. Pa Eduardu bačna, što jon nie apuskaje ruk. Dbaje pra siabie, bo tam nikomu ty bolš nie patrebny», — adznačaje byłaja palitźniavolenaja.

Eduard Babaryka padčas pieradvybarčaj kampanii 2020 hoda byŭ kiraŭnikom inicyjatyŭnaj hrupy vyłučenca na prezidenctva Viktara Babaryki, jaki sabraŭ najbolšuju kolkaść podpisaŭ za svajo vyłučeńnie ŭ historyi Biełarusi. I baćku, i syna aryštavali na etapie zdačy sabranych podpisaŭ u CVK. 18 červienia 2020 hoda Eduarda źmiaścili ŭ SIZA KDB.

Jon prachodzić abvinavačvanym pa dźviuch kryminalnych spravach paralelna.

Pieršuju viadzie KDB z momantu zatrymańnia pavodle artykuła 243 Kryminalnaha kodeksa (uchileńnie ad vypłaty sum padatkaŭ i zboraŭ, što paciahnuła škodu ŭ asabliva bujnym pamiery). Kančatkovaje abvinavačvańnie da hetaha času nie vystaŭlena, sprava ŭ sud nie pieradadziena.

Druhuju spravu viadzie Centralny aparat Śledčaha kamiteta. Eduard staŭ padazravanym u śniežni 2021 hoda. Abvinavačvańnie vystaŭlena pa častcy 3 artykuła 130, častcy 1 artykuła 293 Kryminalnaha kodeksa — «Raspalvańnie rasavaj, nacyjanalnaj, relihijnaj albo inšaj sacyjalnaj varožaści» i arhanizacyja masavych biesparadkaŭ. Pa hetym artykule Eduardu pahražaje da 20 hadoŭ.

Pravaabaroncy ličać, što jaho trymajuć, faktyčna, zakładnikam, dabivajučysia niečaha ad jahonaha baćki ŭzamien za vyzvaleńnie syna.

Eduard — vypusknik Biełaruskaha dziaržaŭnaha ekanamičnaha ŭniviersiteta. Jon kiravaŭ kraŭdfandynhavymi płatformami Ulej i MolaMola. Zachaplaŭsia konnym sportam i dajvinham.

Pa źviestkach, jakija dachodziać ź niavoli, Eduard zajmajecca johaj, čytaje, vučycca malavać, prosić pieradavać jamu knihi pa šachmatach.

30 studzienia jamu spoŭniłasia 33 hady.

«Naša Niva» — bastyjon biełaruščyny

PADTRYMAĆ

«Ja vielmi nie lublu termin spraviadlivaść». Eduard Babaryka daŭ intervju ź SIZA

Dva hady tamu byli zatrymanyja Viktar i Eduard Babaryki. Sud nad synam jašče nie pačynaŭsia

Uładzimir Pylčanka: Eduard Babaryka moža pravieści čarhovyja paŭtara hoda ŭ SIZA

Kamientary29

  • Anatol Starkou
    18.02.2023
    Eduard i jaho tata Viktar Babaryki maja radnia pa matčynaj linii. Našy maci ź Viktaram dvajuradnyja siostry. Viktar maładziejšy za mianie na 12 hadoŭ. My ź im sustrakalisia darosłymi. A Eduarda ja nie pamiatuju. Jon na 12 hadoŭ maładziejšy za maju dačku. Voś takaja maja radnia.
  • Chaładiezc
    18.02.2023
    manhoł?,Litvin! akulary nadzień!  
  • daviedka
    18.02.2023
    Cientralnyj apparat SK vozhłavlajut byvšij načalnik śledstviennoho upravlenija KHB i jeho zamiestitiel.

Ciapier čytajuć

Lehiendarnaja žurnalistka Luboŭ Łuniova raskazała pra Viktara Łukašenku i adnakurśnikaŭ, stvareńnie «Viasny» i palityčny bamond5

Lehiendarnaja žurnalistka Luboŭ Łuniova raskazała pra Viktara Łukašenku i adnakurśnikaŭ, stvareńnie «Viasny» i palityčny bamond

Usie naviny →
Usie naviny

Pradprymalnika ź Minska adpravili ŭ kałoniju pa čatyroch palityčnych artykułach

Bojfrend Aryny Sabalenki staŭ saŭładalnikam francuzskaha futbolnaha kłuba3

Šaścihadovy syn hałkipiera «Bavaryi» pamior paśla praciahłaj chvaroby

Palitviazień raskazaŭ, jak zvyčajnyja kryminalniki abjavili haładoŭku, kab palepšyć umovy ŭtrymańnia palityčnych5

Dadaŭ cyjanid u prateinavy napoj. Stamatołah atruciŭ žonku, a zatym sprabavaŭ zabić śledčaha3

Masiravanaja ataka BPŁA na Rasiju: pažary na naftazavodach, radyjozavodzie i vybuchi kala vajskovaha aeradroma6

Rasijanie vybrali, jaki pomnik budzie pastaŭleny ŭ Homieli31

Štučny intelekt moža pryvieści da vymirańnia čałaviectva, papiaredžvajuć ekśpierty14

Papularny błohier Pan Usialan druhi raz staŭ tatam14

bolš čytanych navin
bolš łajkanych navin

Lehiendarnaja žurnalistka Luboŭ Łuniova raskazała pra Viktara Łukašenku i adnakurśnikaŭ, stvareńnie «Viasny» i palityčny bamond5

Lehiendarnaja žurnalistka Luboŭ Łuniova raskazała pra Viktara Łukašenku i adnakurśnikaŭ, stvareńnie «Viasny» i palityčny bamond

Hałoŭnaje
Usie naviny →

Zaŭvaha:

 

 

 

 

Zakryć Paviedamić