Vizit u Kitajskuju Narodnuju Respubliku zapłanavany z 28 lutaha pa 2 sakavika, paviedamlaje dziaržaŭnaje infarmahienctva BiełTA.
Paviedamlajecca, što ŭ vieraśni 2022 hoda na dvuchbakovaj sustrečy ŭ miežach samitu Šanchajskaj arhanizacyi supracoŭnictva Łukašenka i Si Czińpin pryniali sumiesnuju dekłaracyju ab vyvadzie adnosin na ŭzrovień usiebakovaha stratehičnaha partniorstva.
U paviedamleńni havorycca, što analiz dasiahnutaha i patencyjał dla raźvićcia adnosin krain stanuć pradmietam razhladu ŭ čas aficyjnaha vizitu. Alaksandr Łukašenka i staršynia KNR Si Czińpin praviaduć pieramovy ŭ vuzkim i pašyranym składach. U centry ŭvahi buduć pytańni raźvićcia handlova-ekanamičnaha, inviestycyjnaha i humanitarnaha supracoŭnictva, realizacyja sumiesnych maštabnych prajektaŭ.
Adznačajecca, što buduć zakranutyja ŭ tym liku pytańni «ŭzajemadziejańnia ŭ palityčnaj śfiery i reahavańnia na najbolš vostryja vykliki ŭ sučasnaj mižnarodnaj abstanoŭcy».
Čakajecca, što pa vynikach pieramoŭ budzie padpisany vialiki pakiet dakumientaŭ pa raźvićci adnosin u klučavych śfierach.
Płanujecca, što ŭ Piekinie Łukašenka taksama praviadzie šerah sustreč z vyšejšymi słužbovymi asobami KNR i kiraŭnictvam viadučych kitajskich karparacyj.
«Šmatpartyjnaść, pluralizm mierkavańniaŭ — heta brachnia, zachodniaja brachnia». Łukašenka razhladaje kanstytucyjnaje viartańnie da savieckaj sistemy74
«Šmatpartyjnaść, pluralizm mierkavańniaŭ — heta brachnia, zachodniaja brachnia». Łukašenka razhladaje kanstytucyjnaje viartańnie da savieckaj sistemy
«Dziaŭčyna niedzie praź siem siekund užo pikiravała bieź piłota». Siabar deltapłanierysta, jaki raźbiŭsia ŭ Stročycach, raskazaŭ, što pryviało da trahiedyi33
Kamientary
Choć dzieści jaho buduć prymać z dypłamatyčnymi standartami a nie jak vasała ci prydurkavataha tłustaha sabačnika