«Žaŭrukoŭ» ci «buśkaŭ», busłoŭ, zvyčajna piakuć na Saraki, abo dzień viesnavoha raŭnadzienstva, adnak čamu b nie pavitać viasnu ŭžo ciapier? Śviatočnaja vypiečka ŭpryhožyć siamiejny śniadanak, padymie nastroj, a taksama napoŭnić dom atmaśfieraj tradycyj.
Fota: etna.by
Voś adzin z mnostva mahčymych receptaŭ.
Kab śpiačy nievialikija bułački ŭ formie ptušak, vam spatrebicca:
- 5 h suchich draždžej,
- 4 st. ł. cukru,
- 1 šklanka + 2 st. ł. ciopłaj vady,
- 3 šklanki muki,
- 1/2 č. ł. soli,
- 1/2 č. ł. vanilnaha cukru,
- 1/4 šklanki aleju + jašče trochi dla zmazvańnia,
- 1 jajka (dla zmazvańnia),
- čornyja razynki abo sušanyja čornyja parečki.
Pryhatujcie ciesta:
- Źmiašajcie suchija droždžy, 1 stałovuju łyžku cukru i 1 šklanku ciopłaj vady ŭ nievialikaj miscy i pakińcie na 10 chvilin, ci pakul źvierchu nie ŭtvorycca piena. Heta nazyvajecca «pravierkaj» draždžej: ci jany žyvyja, kab vaša ciesta padniałosia.
- U vialikaj miscy źmiašajcie cukar, muku, sol i vanilny cukar i pierakładzicie droždžy ŭ hetuju sumieś. Dadajcie alej i zamiasicie ciesta rukami, pakul jano nie pačnie źbiracca ŭ kamiak. Kožnaja muka roznaja, tamu, mahčyma, vam spatrebicca dadać vady, kab atrymać idealnaje ciesta.
- Ciesta treba dobra vymiesić na praciahu prykładna 5—7 chvilin, pakul jano nie pieratvorycca ŭ idealny miakki šar. Vyšmarujcie misku alejem i pakładzicie ŭ jaje ciesta. Nakryjcie plonkaj i pakińcie padymacca ŭ ciopłym miescy prykładna na 2 hadziny, ci pakul ciesta nie pavialičycca ŭdvaja.
Vylepicie ptušak:
- Padzialicie ciesta na roŭnyja šaryki dyjamietram prykładna 7,5 sm. Vykładzicie ich na pasypanuju mukoj pavierchniu i nakryjcie kuchonnym ručnikom.
- Vaźmicie adzin z šarykaŭ i skrucicie rukami «kaŭbasku» daŭžynioj kala 15 sm, a potym zaviažycie jaje na vuzieł. Z adnaho svabodnaha kanca vylepicie ptušynuju hałavu ź dziubaj — tut niama niejkich praviłaŭ, prosta stvarycie charaktar. Inšy svabodny kaniec vuzła budzie chvastom ptuški, vostrym nažom zrabicie na im niekalki nievialikich nadrezaŭ, kab atrymalisia kazačnyja piory.
- Vykładzicie hatovuju ptušku na blachu, zmazanuju alejem.
- Kali vy skončycie vyrablać ptušak, samy čas zrabić im vočy z sušanaj čornaj parečki ci narezanych čornych razynak. Nie zabudźcie ŭcisnuć ich u ciesta dastatkova mocna, kab jany nie vypali padčas vypiakańnia.
- Pastaŭcie blachu ŭ ciopłaje miesca prykładna na 30 chvilin, kab bułački pačali padymacca.
- Potym pašmarujcie ich jajkam, kab vašy hatovyja vyraby bliščali.
- Razahrejcie duchoŭku da 180 °C i vypiakajcie bułački 20—25 chvilin. Pierad padačaj vypiečku treba całkam astudzić.
Cichanoŭski prapanavaŭ radykalna pierahledzieć stratehiju dla Biełarusi36
Cichanoŭski prapanavaŭ radykalna pierahledzieć stratehiju dla Biełarusi
Pamiatajecie ŭkrainku, jakuju rasijanie pryviazali da słupa? Tyja, chto jaje katavaŭ, za hady vajny amal usie zahinuli. A voś što robić ciapier jana2525
Kamientary
takija charošańkija. ptušački)