U Pražskim zaaparku ŭpieršyniu ŭ Jeŭropie naradziłasia redkaja žyviolina
U Pražskim zaaparku naradziła dzicia samka redkaha kitajskaha panhalina. Pa słovach dyrektara ŭstanovy Mirasłava Bobeka, jakija cytujucca na sajcie zaaparka, heta pieršy taki vypadak nie tolki ŭ Čechii, ale i va ŭsioj Jeŭropie.
Novanarodžanaje dziciania važyć usiaho 135 hramaŭ, a darosłyja asobiny mohuć dasiahać navat siami kiłahramaŭ. Hetaja žyviolina vonkava vielmi padobnaja na jałovuju šyšku.
Dva panhaliny-baćki z kitajskimi imionami Run Chou Tanh i Hua Baa prybyli ŭ Čechiju z Tajvania ŭ krasaviku minułaha hoda. Utrymlivać hetych žyvioł u niavoli vielmi składana, tamu krainy, u zaaparkach jakich jany jość, možna litaralna pieraličyć pa palcach. Naradžeńnie dzicianiaci ŭ panhalina — tolki paŭspravy, bo jaho jašče treba vyhadavać. Ale ŭ hetaj samki ŭžo byŭ padobny vopyt jašče na Tajvani, tamu supracoŭniki zaaparka hladziać u budučyniu z aptymizmam.
Uvohule isnuje vosiem vidaŭ panhalinaŭ. Adnyja ź ich žyvuć u Azii, inšyja — u Afrycy. Žyvioły siłkujucca muraškami i termitami, adhetul i ich mianuška — «łuskavaty muraškajed».
Panhaliny znachodziacca pad vialikaj pahrozaj z-za vyniščeńnia ich ludźmi. Pavodle daśledavańniaŭ, u lasach Centralnaj Afryki štohod ich hinie da 2,7 miljona asobin. Brakańjery palujuć na hetych žyviolin dziela miasa, jakoje vykarystoŭvajecca ŭ narodnaj miedycynie.
«Ženia pahadziŭsia na budoŭlu, a nie vajavać. I tolki kali vyjdzie z zapoju!»: jak pradali ŭ rasijskuju armiju žychara Lozna. Achviara nie adna6
Kamientary
Žir, što ŭ vašym žyćci ŭ vašaj krainie niepazityŭnaha? spłašny pazityŭ