У Пражскім заапарку ўпершыню ў Еўропе нарадзілася рэдкая жывёліна
У Пражскім заапарку нарадзіла дзіця самка рэдкага кітайскага пангаліна. Па словах дырэктара ўстановы Міраслава Бобэка, якія цытуюцца на сайце заапарка, гэта першы такі выпадак не толькі ў Чэхіі, але і ва ўсёй Еўропе.
Нованароджанае дзіцяня важыць усяго 135 грамаў, а дарослыя асобіны могуць дасягаць нават сямі кілаграмаў. Гэтая жывёліна вонкава вельмі падобная на яловую шышку.
Два пангаліны-бацькі з кітайскімі імёнамі Рун Хоу Танг і Гуа Баа прыбылі ў Чэхію з Тайваня ў красавіку мінулага года. Утрымліваць гэтых жывёл у няволі вельмі складана, таму краіны, у заапарках якіх яны ёсць, можна літаральна пералічыць па пальцах. Нараджэнне дзіцяняці ў пангаліна — толькі паўсправы, бо яго яшчэ трэба выгадаваць. Але ў гэтай самкі ўжо быў падобны вопыт яшчэ на Тайвані, таму супрацоўнікі заапарка глядзяць у будучыню з аптымізмам.
Увогуле існуе восем відаў пангалінаў. Адныя з іх жывуць у Азіі, іншыя — у Афрыцы. Жывёлы сілкуюцца мурашкамі і тэрмітамі, адгэтуль і іх мянушка — «лускаваты мурашкаед».
Пангаліны знаходзяцца пад вялікай пагрозай з-за вынішчэння іх людзьмі. Паводле даследаванняў, у лясах Цэнтральнай Афрыкі штогод іх гіне да 2,7 мільёна асобін. Браканьеры палююць на гэтых жывёлін дзеля мяса, якое выкарыстоўваецца ў народнай медыцыне.
Цяпер чытаюць
Здзелка Трампа з Пуціным: чым за яе могуць заплаціць Украіна і Беларусь11
Здзелка Трампа з Пуціным: чым за яе могуць заплаціць Украіна і Беларусь
Расійскі рэпер Ягор Крыд зняўся ў майцы з выявай героя фільма «Ідзі і глядзі», якому дамалявалі пірсінг і татуіроўкі. Цішотку выпусцілі крама беларускі77
Расійскі рэпер Ягор Крыд зняўся ў майцы з выявай героя фільма «Ідзі і глядзі», якому дамалявалі пірсінг і татуіроўкі. Цішотку выпусцілі крама беларускі7
«Запрасіў мяне на спатканне і прыехаў на яго з пакетам памідораў замест кветак». Што ўспамінаюць пра Яна Памедора Рэуцкага, адміна шматтысячнай суполкі беларусаў Польшчы77
Каментары
Жір, што ў вашым жыцці ў вашай краіне непазітыўнага? сплашны пазітыў