Ministr abarony Ukrainy anansavaŭ kontrnastupleńnie na krasavik-maj
Hienštab USU płanuje pačać kontrnastupleńnie viasnoj. Vierahodna, heta adbudziecca ŭ krasaviku-mai, zajaviŭ ministr abarony Ukrainy Alaksiej Reźnikaŭ u kamientary estonskaj teleradyjoviaščalnaj kampanii ERR.
Adpaviednuju zajavu ministr zrabiŭ, adkazvajučy na pytańnie žurnalistaŭ ab tym, kali na pieradavoj źjaviacca niamieckija tanki Leopard. Pa słovach Reźnikava, heta adbudziecca padčas kontrnastupleńnia, najbolš udały momant dla jakoha vyznačyć Hienštab.
Reźnikaŭ taksama dadaŭ, što ŭkrainskaje nastupleńnie płanujecca ŭ niekalkich kirunkach, adznačyŭšy, što na pačatak apieracyi mohuć paŭpłyvać umovy nadvorja.
«Uviesnu naša ziamla vielmi vilhotnaja. Možna vykarystoŭvać tolki husieničny transpart. Dumaju, my zmožam ubačyć ich [tanki Leopard] u krasaviku-mai», — skazaŭ ministr.
Havoračy pra samo nastupleńnie, ministr zajaviŭ, što na praciahu 2023 hoda śviet ubačyć «vielmi pazityŭnyja źmieny dla Ukrainy».
«Ja ŭpeŭnieny, što my praciahniem vyzvalać časova akupavanyja terytoryi, jak heta było zroblena ŭ Kijevie, Čarnihavie, Sumach, Charkavie, Chiersonie», — dadaŭ jon.
Kiraŭnik Pientahona: Ukraina maje dobryja šancy na paśpiachovaje kontrnastupleńnie
Naŭrad ci «ŭ styli NATA». Zachodnija ekśpierty apisali mahčymy scenar budučaha kontrnastupleńnia Ukrainy
Vajskovy analityk: rašeńnie rasijskaha kamandavańnia pačać zimovy nastup było pamyłkaj i padarunkam dla Ukrainy
Ekśpiert raskazaŭ, jak zachodnija tanki źmieniać chod vajny va Ukrainie
Der Spiegel: Niamieckija «Leapardy» ŭžo va Ukrainie
Kamientary