Kačahar zabiŭ žonku i chacieŭ spalić cieła, ale kaleha vyklikaŭ milicyju. Pakul tyja jechali, kačahar paviesiŭsia
Jak stała viadoma «Našaj Nivie», u dušnych dekaracyjach viaskovaj kacielni ŭ Dokšyckim rajonie razharnułasia trahiedyja, vynikami jakoj stali dva trupy, try siraty i pakalečanaja psichika adzinaha śviedki.
Jak stała viadoma «Našaj Nivie» ad znajomych z historyjaj, drama razharnułasia ŭ kacielni miastečka Kruleŭščyna ŭ Dokšyckim rajonie.
Kačaharka naležyć miascovaj žyllova-kamunalnaj haspadarcy «Dokšycy-kamunalnik».
Uzrovień zarobkaŭ rabotnikaŭ u pravincyjnaj arhanizacyi nievysoki, tamu pracavać niaredka iduć kadry z adpaviednymi žyćciovymi kaštoŭnaściami.
Voś što kažuć znajomyja z abstavinami trahiedyi.
«Adzin z rabotnikaŭ kacielni, 43-hadovy Ju. (imia i proźvišča my nie nazyvajem z etyčnych pryčyn), pryjšoŭ na rabotu ŭ načnuju źmienu ŭžo napadpitku, paśpieŭšy da taho atrymać pratakoł ad učastkovaha za pjanku ŭ publičnym miescy. Ale na pracu jaho ŭsio adno dapuścili — načalstvu davodzicca zapluščvać vočy, bo situacyja takaja, što pracavać tam u takich umovach i za takija zarobki, ułasna, bolš niama kamu», — kaža naš surazmoviec.
«Padčas načnoj źmieny da Ju. na rabotu pryjšła jaho 39-hadovaja žonka A. Imavierna, kab praciahnuć pačataje doma. Vypivali jany tolki ŭdvaich ci razam z kaleham Ju. pa kacielni — hetaha nie viedaju. Svarylisia.
Ale sens u tym, što kaleha zasnuŭ, i pakul jon spaŭ, Ju. ŭ čas svarki zadušyŭ žonku, a cieła, pjany, vyrašyŭ spalić u piečcy kacielni. U niejki momant, kali jon sprabavaŭ heta zrabić, pračnuŭsia kaleha, zalamantavaŭ i vyskačyŭ z pamiaškańnia, kab vyklikać milicyju.
Kali milicyja pryjechała, Ju. ŭžo byŭ niežyvy — paviesiŭsia, pakinuŭšy zapisku z prośbaj pachavać jaho razam z žonkaj», — paviedamili nam abstaviny znajomyja ź situacyjaj.
Pachavali ich u roznych vioskach, na radzimie kožnaha ź ich.
U pary zastałosia troje dziaciej — małodšaja ŭ trecim kłasie, dvaim starejšym 16 i 17 hadoŭ.
* * *
Udakładnieńnie. U pačatkovaj viersii artykuła byŭ niapravilna nazvany ŭzrost ludziej.
Ciapier čytajuć
«Čamu ja pavinien dakazvać, što nie darmajed?» Pradprymalnika z Homiela pamyłkova zapisali ŭ niezaniatyja — jon daviedaŭsia tolki paśla vializnych rachunkaŭ za kamunałku2424
Kamientary