«My tolki što pačuli dźviuch niejmaviernych žančyn». Džo Bajden adhuknuŭsia na vystupy Śviatłany Cichanoŭskaj i Natalli Pinčuk
«My tolki što pačuli dźviuch niejmaviernych žančyn, jakija robiać niejmaviernuju spravu adnosna Biełarusi. Jany zasłuhoŭvajuć, jak i ŭsie žančyny, być pradstaŭlenymi», — cytuje słovy amierykanskaha prezidenta ambasada ZŠA ŭ Biełarusi.
Na Druhim samicie za demakratyju, jaki prachodzić u Vašynhtonie pad patranatam prezidenta ZŠA, pradstaŭnicy Biełarusi Śviatłana Cichanoŭskaja i Natalla Pinčuk vystupili pa čarzie ŭ anłajn-farmacie:
«Samaja ciažkaja navuka, jakuju my zasvoili za hetyja hady, — heta toje, što svaboda nikoli nie dajecca biaspłatna, jana prychodzić z patrabavańniami. I niezaležnaść taksama nie harantavanaja nazaŭždy.
Hetyja kaštoŭnaści patrabujuć mužnaści, adkaznaści i samaachviarnaści. Im patrebnyja ludzi, hatovyja stavić intaresy inšych na pieršaje miesca», — skazała ŭ svaim vystupleńni Śviatłana Cichanoŭskaja.
Natalla Pinčuk, u svaju čarhu, zajaviła, što pieramieny ŭ Biełarusi — zadača samich biełarusaŭ.
«My pačali hetuju baraćbu, my jaje skončym. Ale šlach mirnaha, niehvałtoŭnaha supracivu, jaki my vybrali, budzie paśpiachovym tolki pry mocnaj mižnarodnaj padtrymcy i salidarnaści».
Cichanoŭskaja ž u suviazi z hetym adznačyła, što «biełarusy ŭžo zrabili svoj vybar — vybar svabodnaj jeŭrapiejskaj demakratyčnaj i stabilnaj budučyni». Jana zaklikała mižnarodnuju supolnaść dapamahčy biełarusam abaranić svoj vybar i viarnuć sabie krainu.
Ciapier čytajuć
23‑hadovaha aficera bryhady śpiecnaza asudzili na 19 hadoŭ za «zdradu dziaržavie»16
23‑hadovaha aficera bryhady śpiecnaza asudzili na 19 hadoŭ za «zdradu dziaržavie»
Dziaržbiaśpieka Litvy: «Naš dom» Karač štučna stvaraje ŭmovy, kab biełarusy, što nie adpaviadajuć kryteryjam mižnarodnaj abarony, atrymlivali VNŽ u Litvie4242
Dziaržbiaśpieka Litvy: «Naš dom» Karač štučna stvaraje ŭmovy, kab biełarusy, što nie adpaviadajuć kryteryjam mižnarodnaj abarony, atrymlivali VNŽ u Litvie42
«Ludzi kamientavali, što salmanieła ŭvajšła ŭ čat». Biełarus pajechaŭ pracavać u Kremnijevuju dalinu — i staŭ kulinarnym błohieram na 28 miljardaŭ prahladaŭ88
Kamientary