Niekalki biełaruskich bankaŭ mianiajuć valuty raźlikaŭ pa kartach Mastercard na kitajski juań
Biełaruskija banki z 3 krasavika pierajšli pa kartach Mastercard na raźliki praz kitajskija juani z-za situacyi na rynku i mižbankaŭskich uzajemaadnosin. Jak doŭha budzie doŭžycca hetaja situacyja, nieviadoma. BNB-Bank i Biełhazprambank piarojduć na kitajski juań ź jeŭra, Alfa Bank — z dalara, piša Office Life.
Jak paśla hetych novaŭviadzieńniaŭ buduć pravodzicca płaciažy, patłumačyŭ Alfa Bank.
Ciapier, kali vy raźličvajeciesia za miažoj — da prykładu, u Italii — kartaj biełaruskaha banka, vypuščanaj u rublach, praces budzie takim: valuta apieracyi — naprykład, jeŭra — budzie pieraličanaja ŭ dalary pa kursie Mastercard, dalej z dalaraŭ jana pieraličycca ŭ kitajskija juani pa kursie Mastercard, a ź juaniaŭ — u valutu karty pa kursie banka. Tady i budzie zrazumieła, kolki rubloŭ śpišuć z vašaj karty paśla pakupki.
Kali vy raźličvajeciesia kartaj, vypuščanaj u jeŭra, za tavary ŭ Polščy, to schiema pieraliku budzie takoj: polskija złotyja pieraličvajucca ŭ dalary pa kursie Mastercard, dalej dalary pieraličvajucca ŭ juani pa kursie Mastercard, zatym juani — u valutu karty (u hetym vypadku — u jeŭra) pa kursie banka.
Kali vy kuplajecie tavar u Kitai za juani, to suma adrazu budzie pieraličanaja ŭ valutu karty (naprykład, u biełaruskija rubli) pa kursie banka.
Kali vy raźličvajeciesia za kuplu ŭ jeŭra kartaj, vypuščanaj u jeŭra, — nijakaha pieraliku niama, z karty śpisvajecca suma ŭ jeŭra.
Z kartami Visa pakul źmienaŭ niama: valutaj raźlikaŭ biełaruskich bankaŭ tut pa-raniejšamu vyznačany jeŭra.
Ciapier čytajuć
«Adnavili hramadski paradak, nie sastupiŭšy patrabavańniam novych vybaraŭ». Što piša Hrokipiedyja pra pratesty, Łukašenku, movu i jak dzielić spadčynu VKŁ1212
Kamientary