Дакументы, што трапілі ў публічны доступ, паказваюць, што ЗША атрымліваюць інфармацыю з амаль кожнай расійскай спецслужбы
Прааналізаваўшы дакументы ЗША і NATO, якія трапілі ў публічны доступ, журналісты New York Times прыйшлі да высновы, што амерыканцы маюць выдатныя крыніцы ў расійскім Генштабе і ў спецслужбах РФ, адкуль атрымліваюць сакрэтныя звесткі. А вось ад сваіх украінскіх калег яны атрымліваюць менш інфармацыі.
Сакрэтныя дакументы Пентагона дэманструюць, наколькі глыбока ЗША ўдалося ўкараніцца ў расійскія службы бяспекі і выведкі, піша New York Times, якая прааналізавала матэрыялы, якія выцеклі ў сеціва.
З іх вынікае, што ЗША так ці інакш атрымліваюць інфармацыю з амаль кожнай расійскай спецслужбы. Напрыклад, у адным з дакументаў з пазнакай «цалкам сакрэтна» абмяркоўваюцца планы расійскага Генштаба ў супрацьдзеянні танкам, якія краіны NATO пастаўлялі Украіне.
З матэрыялаў таксама вынікае, што амерыканскія спецслужбы ў рэжыме рэальнага часу папярэджвалі ўкраінскія ўлады пра час нанясення ўдараў Расіяй і нават пра канкрэтныя цэлі гэтых нападаў, і такім чынам давалі магчымасць Украіне прыняць абарончыя меры.
Справаздачы выведкі паказваюць і на тое, што Злучаныя Штаты сочаць за найвышэйшым вайсковым і палітычным кіраўніцтвам Украіны. Гэта адлюстроўвае спробы Вашынгтона атрымаць дакладнае ўяўленне аб ваеннай стратэгіі Украіны.
«Гэтыя матэрыялы пацвярджаюць ідэю, даўно агучаную прадстаўнікамі выведкі: ЗША маюць больш дакладнае ўяўленне пра расійскія вайсковыя аперацыі, чым пра ўкраінскія планы», — піша NYT.
Цяпер чытаюць
Дзе працуюць і як выглядаюць жонкі топ-чыноўнікаў?16
Дзе працуюць і як выглядаюць жонкі топ-чыноўнікаў?
«Калі б я быў следчым КДБ, я б падкрэсліў тое самае». Фядута — пра схаваныя сэнсы «Каласоў пад сярпом тваім», увагу сілавікоў да свайго рукапісу і загадку з трэцяй часткай рамана Караткевіча1111
Каментары
Сотрудничают рф и сша подным ходом