«Mnie źmianili mieru strymańnia, tamu heta jašče nie kaniec historyi». Sprava suprać Siarhieja Makareviča nie zakrytaja
Siarhiej Makarevič, jakoha vypuścili z turmy 12 krasavika, paviedamiŭ u sacyjalnych sietkach, što jamu źmianili mieru strymańnia, piša «Radyjo Svaboda». Jon 159 dzion pravioŭ u turmie.
Makarevič taksama napisaŭ, što kryminalnyja spravy suprać jaho nie spynili. «Mnie źmianili mieru strymańnia, tamu heta jašče nie kaniec historyi», — napisaŭ jon.
Padrabiaznaści spravy nieviadomyja.
Siarhieja Makareviča zatrymali 4 listapada paśla pieratrusu ŭ jaho doma. Mierkavałasia, što jon prachodzić pa spravie «Majontka Padarosk». Jak i fond «Viartańnie», u jakim pracavaŭ Siarhiej, «Majontak Padarosk», inicyjatyva pa adnaŭleńni staroj siadziby pad Vaŭkavyskam, finansavalisia biznesoŭcam i miecenatam biełaruskaha pachodžańnia Paŭłam Padkarytavym.
Fond «Viartańnie» padtrymlivaŭ šmatlikija prajekty biełaruskaj kultury. Jon byŭ likvidavany ŭ kancy kastryčnika rašeńniem Minskaha haradskoha suda razam ź inšymi niezaležnymi hramadskmi i kulturnymi arhanizacyjami.
Kamientary