Režym maŭčańnia: ad Siarhieja Cichanoŭskaha try tydni niama nijakich navin
Padčas Kanfierencyi biełarusaŭ śvietu, jakaja ŭ hetyja dni prachodzić u Vilni, Śviatłana Cichanoŭskaja raskazała «Našaj Nivie», što advakat nie moža trapić da jaje muža.
«U Siarhieja było dva advakaty na vypadak, kali adnaho ź ich pazbaviać licenzii. Novy advakat nie moža da jaho patrapić, niama dostupu da jaho. Sprabujem ciapier niešta z hetym zrabić. Advakat jeździŭ da jaho, kazaŭ, što nibyta niama ad Siarhieja zapytu. Heta takaja ich zvyčajnaja schiema.
Apošnija try tydni ŭvohule niama nijakich navin ad Siarhieja. Što adbyvajecca, pakul nie viedaju, u ŠIZA jon ci nie.
Taksama nie možam pakłaści hrošy na rachunak Siarhieja, nie prymajuć, bo jon u śpisie (asobaŭ, «datyčnych da terarystyčnaj dziejnaści». — NN). Ja daviedvałasia, ci dachodziać hrošy inšym ludziam, jakija ŭ hetym śpisie, kamuści tak, niekatorym — nie. Takaja situacyja stvarajecca mietanakiravana, kab Siarhiej nie moh sabie niešta nabyć.
Dačka piša jamu listy, kładziom u kanviert čystyja, kab jamu było na čym pisać. Spadziajusia, što da kanca hetaha miesiaca advakat zmoža da jaho trapić», — raskazała Śviatłana Cichanoŭskaja.
Ciapier čytajuć
Studentka, jakaja ŭciakła ad aryštu ŭ 2020-m, pracuje na krajniaj poŭnačy Narviehii i zrazumieła skandynaŭski recept ščaścia27
Studentka, jakaja ŭciakła ad aryštu ŭ 2020-m, pracuje na krajniaj poŭnačy Narviehii i zrazumieła skandynaŭski recept ščaścia
Jak razhuł pryrody viarnuŭ cieły Barbary Radzivił i vialikaha kniazia Alaksandra i čamu tajamnicu źniknieńnia ichnich rehalij zmahli raskryć tolki ciapier77
Kamientary