Litoviec u adzinočku na łodcy pierasiok Atłantyku. Padarožža doŭžyłasia 120 dzion
Padarožnik Aŭrymas Vałujavičus za 120 dzion u adzinočku na łodcy «Lituanika» pieraadoleŭ Atłantyčny akijan i vyjšaŭ na ziamlu ŭ Majami. «Dobra, ja pačuvajusia dobra. Stamiŭsia, siły skončylisia, ale tak byvaje zaŭsiody. Adnaŭlaješ siły i idzieš dalej. Usio dobra», — skazaŭ Vałujavičus žurnalistam.
Aŭrymasa ŭ Majami niekalki hadzin čakała hrupa litoŭcaŭ, siarod ich i blizkija padarožnika — baćka, brat i dziadula. Ich kryki jon čuŭ, kali byŭ za niekalki milaŭ ad bieraha.
«Było dziŭna i pryjemna čuć ich hałasy», — skazaŭ Aŭrymas. Litoŭcy, jakija sustrakali Aŭrymasa, trymali toj ža ściah, ź jakim u śniežni pravodzili jaho ŭ darohu, na im było napisana «Aŭrymas, pośpiechu ŭ Atłantyčnym akijanie!».
Aŭrymas pastaviŭ pierad saboj metu — pierasiačy Atłantyčny akijan z kantynienta na kantynient na adnamiesnaj viosielnaj łodcy, kab adznačyć 90-hodździe palotu Stasisa Hirenasa i Ściaponasa Darusa (u 1933 hodzie lacieli na samalocie «Lituanika» ź Ńju-Jorka ŭ Kaŭnas, ale raźbilisia ŭ Niamieččynie), zafiksavać litoŭski i pabić suśvietny rekord. Zrabiŭšy heta, padarožnik staŭ častkaj historyi — pieršym litoŭcam i trecim čałaviekam u śviecie, jaki pieraadoleŭ taki šlach.
Vałujavičusa pavinšavaŭ prezident Hitanas Naŭsieda.
Stała viadoma, jak zatrymali byłoha kalinoŭca Maksima Ralko2
Kamientary