U efiry telekanała STB znoŭ nakinulisia na Dzień śviatoha Valancina i Chełoŭin.
Viadučy Kirył Kazakoŭ pierakonvaŭ u studyi, što zachodnija śviaty — čysty markietynh.
«Tut ža niama niejkaj ideałahičnaj podbiŭki — prosta bolš pradać tavaru. Bolš sercajkaŭ u hety dzień, bolš ruž. Ci niejkija karnavalnyja kaściumy i harbuzy. Ale, ja dakładna viedaju, na ŭzroŭni niekatorych administracyj zabaraniajecca naohuł u škołach śviatkavać. Miž tym, ty prychodziš u kaviarniu — usio ŭ sercajkach. U škole sercajkaŭ niama, a tut sercajki», — aburaŭsia jon.
Inšaja viadučaja, Alena Syrava vykazała dumku, što treba Dzień śviatoha Valancina i Chełoŭin nie zabaranić, a dać svaju alternatyvu.
«Kab pry inšych roŭnych vybirali naša», — padkreśliła jana.
Psichołah Anžalika Safonava tut ža znajšła zamienu.
«Čamu my śviatkujem Dzień śviatoha Valancina, ale nie śviatkujem Dzień śviatych Piatra i Fiaŭrońni 8 lipienia?» — zadajecca jana pytańniem.
I zaklikaje papularyzavać hetaje śviata, «kinuć usie resursy», kab jano było ničym nie horšym.
Žyćcio śviatych Piatra i Fiaŭrońni ŭ Ruskaj pravasłaŭnaj carkvie ličycca prykładam siamji i kachańnia.
Heta ŭžo nie pieršy raz, kali čynoŭniki i prapahanda sprabujuć zabaranić Dzień usich zakachanych.Tak, sioleta ŭ BDU na 14 lutaha prapanavali zamianić ramantyku mierapryjemstvami, prymierkavanymi da lubovi da Radzimy.
Ciapier čytajuć
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu144144
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu144
«Spačatku pahrozu prydumaŭ, potym sam jaje pieramoh». Prapahanda abviarhaje Zialenskaha, śćviardžaje, što retranślataraŭ nie zdymali, bo ich nie było3737
Kamientary