«Ahidnaja instalacyja z čerapam likvidavanaja». Łukašysty pačali zmahańnie z Chełoŭinam
Aktyvistka-łukašystka z Hrodna Volha Bondarava źviarnuła ŭvahu na instalacyju kala adnoj z ustanoŭ horada, dzie žartoŭna padrychtavalisia da sustrečy Chełoŭina.
Jana aburyłasia instalacyjaj sa škileta i harbuzoŭ.
«Čamu ŭ domie, dzie žyŭ zahinuły ŭ Afhanistanie hieroj Jurtaŭ (vuł. Lenina, 30), staić škilet z čerapam? Mnie pišuć, što da hetaha satanizmu aktyŭna pryciahvajuć dziaciej: razdajuć cukierki, ładziać konkursy», — pisała Volha Bondarava ŭ svaim telehram-kanale.
Jana maje na ŭvazie čałavieka, jaki zahinuŭ na savieckaj impieryjalistyčnaj vajnie ŭ Afhanistanie 1979—1989 hadoŭ.
«Ahidnaja instalacyja z čerapam i pavucińniem na vulicy Lenina, 30 była likvidavanaja, — daje spravazdaču Bondarava. — My dziakujem kiraŭniku hałoŭnaha ŭpraŭleńnia ideałohii Hrodzienskaj vobłaści i pa spravach moładzi Iharu Bułaŭko za apieratyŭnaje reahavańnie i vykazvajem niaśmiełuju nadzieju na spynieńnie praktyki ŭciahvańnia biełaruskaj moładzi ŭ čužyja biełaruskaj tradycyi rytuały i mierapryjemstvy z dapamohaj ich papularyzacyi, u t.ł. dziaržaŭnymi ŭstanovami».
Raniej Bondarava zmahałasia z pavietranymi źmiejami, «ŁHBT-prapahandaj», kancertami palityčna niadobranadziejnych, na jaje dumku, vykanaŭcaŭ, a taksama aburyłasia prysvajeńniem imia prafiesara Adama Maldzisa biblijatecy ŭ Astraŭcy. Na jaje dumku, hety lehiendarny daśledčyk biełaruskaj kultury pravodziŭ polskija ŭpłyvy.
Hałoŭny kirunak u zmahańni Bondaravaj — usio biełaruskaje: mova i kultura, jana imkniecca ŭsio zamianić na ruskaje. Bondarava maje vysokapastaŭlenych pakravicielaŭ u Administracyi Łukašenki.
Jak «infaśpiecnazaŭka» Bondarava, što niščyć biełaruskaje, padnačaliła čynoŭnikaŭ cełaj vobłaści VIDEA
Ciapier čytajuć
Ułady Hrodna paviedamili pra vychad z ładu liŭnioŭki pad udaram stychii1
Kamientary