Vice-premjer Polščy havaryŭ u Brusieli pra supolny jeŭrapiejski płan pa padtrymcy biełaruskaj movy i kultury
Režym Alaksandra Łukašenki źniščaje biełaruskuju movu i kulturu, zajaviŭ na pasiadžeńni Rady ES pa pytańniach adukacyi, moładzi, kultury i sportu ŭ Brusieli vice-premjer Polščy, ministr kultury i nacyjanalnaj spadčyny Piotr Hlinski, paviedamlaje Polskaje radyjo. Polski čynoŭnik zaklikaŭ da padtrymki biełaruskaści z boku Jeŭrasajuza.
Piotr Hlinski spasłaŭsia na paviedamleńni biełaruskich arhanizacyj, jakija dziejničajuć u Polščy, i jakija prasili polskija ŭłady pryciahnuć uvahu da hetaj prablemy i na forumie Jeŭrasajuza.
Polski vice-premjer źviarnuŭ uvahu na toje, što biełaruskaja mova ŭ Biełarusi vyciaśniajecca z hramadskaj prastory, z navučalnych ustanoŭ, režymam Łukašenki zabaraniajucca niaŭradavyja arhanizacyi, jakija prapahandujuć movu i kulturu:
«Łukašenkaŭski režym imkniecca zamianić biełaruskuju movu i biełaruskuju kulturu rasijskaj kulturaj. Tamu abmiažoŭvajecca navučańnie biełaruskaj movie, vydavańnie biełaruskich knižak, biełaruskija miedyja. Adzinym biełaruskim telebačańniem źjaŭlajecca «Biełsat». Usio heta vielmi tryvožyć».
U suviazi z hetym Polšča ličyć nieabchodnym raspracavać supolny jeŭrapiejski płan dziejańniaŭ dla padtrymki namahańniaŭ pa abaronie biełaruskaj movy i kultury.
Andžej Duda prakamientavaŭ situacyju z aerastatam nad terytoryjaj Polščy, a łukašysty praviali infarmacyjnuju ataku na polskaha ministra abarony
Polšča dabivajecca, kab u novy sankcyjny pakiet ES uklučyli zabaronu na rehistracyju transpartnych firmaŭ ź Biełarusi i Rasii
Polšča admianiaje zabaronu na čyhunačnaje złučeńnie ź Biełaruśsiu
Ciapier čytajuć
Źnikły Anatol Kotaŭ byŭ partnioram samaha vysokapastaŭlenaha biełaruskaha raźviedčyka, jaki pierajechaŭ u Polšču. Tut moža być kluč da razhadki jaho źniknieńnia7878
Źnikły Anatol Kotaŭ byŭ partnioram samaha vysokapastaŭlenaha biełaruskaha raźviedčyka, jaki pierajechaŭ u Polšču. Tut moža być kluč da razhadki jaho źniknieńnia78
Biełaruski psichijatr: Palihraf z 100 chłusaŭ nie vyjavić dvuch. A siemiarych tych, chto kaža praŭdu, abvinavacić u chłuśni — i heta pa aptymistyčnych acenkach1515
Kamientary