Aŭtacentr Mazda «Atłant-M Chołpi» adnaviŭ prodažy novych mašyn papularnaj japonskaj marki. Pakul dyler budzie pastaŭlać na biełaruski rynak piać madelaŭ japonskaj zborki, piša Office Life.
U staličnym sałonie Mazda na Baravoj paśla hadavoha pierapynku źjavilisia novyja aŭtamabili, sabranyja ŭ Japonii. Heta ŭžo znajomyja ajčynnym aŭtamabilistam siedany Mazda 3, Mazda 6, krasoviery SCH-9 i SCH-30, a taksama navinka — Mazda SCH-5.
Jak paviedamili ŭ kampanii, heta nie naŭprost dylerskija pastaŭki. Tym nie mienš usie aŭtamabili prajšli ŭ Biełarusi poŭnuju mytnuju ačystku, i na ich budzie raspaŭsiudžvacca dylerskaja harantyja, hetak ža jak i na mašyny, jakija raniej pastaŭlalisia z Rasii. Pakul termin harantyi — dva hady abo 100 tys. km prabiehu.
Pieršaja pastaŭka skłała 12 aŭtamabilaŭ, jakija byli raspradadzienyja jašče padčas znachodžańnia hruzu ŭ darozie. Dyler abiacaje, što ciapier takija pastaŭki stanuć štomiesiačnymi.
Voś jakija ceny ŭstanavili na madelny šerah, jaki pastaŭlajecca na siońnia ŭ krainu: Mazda 3 — 108,6 tys. rubloŭ ($37,2 tys.); Mazda 6 — 162,1 tys. rubloŭ ($55,5 tys.); SCH-9 — 220,1 tys. rubloŭ ($75,3 tys.); CX-30 — 132,5 tys. rubloŭ ($45,3 tys.); CX-5 — 131,1 tys. rubloŭ (kala $45 tys.).
«Atłant-M Chołpi» płanuje pradavać mašyny jak u sałonie, tak i pad zakaz. Miarkujecca, što siaredni termin dastaŭki zamovy nie pieravysić standartnyja pa rynku 3-4 miesiacy. Pryčym kuplać takija mašyny ŭ Biełarusi zmohuć i rasijskija klijenty.
U 2022 hodzie Mazda pradała svaju dolu ŭ sumiesnym pradpryjemstvie va Uładzivastoku svajmu rasijskamu partnioru — kampanii «Solers». Paviedamlałasia, što pierazapusk zavoda na novaj madelnaj liniejcy adbudziecca ŭ 2023 hodzie.
Źnikłuju ŭ Mjanmie Vieru Kraŭcovu znajšli miortvaj5
Kamientary