Papularny dadatak dla Android staŭ tajemna špijonić za ŭsimi karystalnikami praź mikrafon i kamieru
Papularny dadatak z kramy Google Play akazaŭsia trajanskaj prahramaj dla sačeńnia za karystalnikami praź ich kamiery, mikrafony i pracoŭnyja fajły. Pra heta 23 maja paviedamiła kampanija pa kibierbiaśpiecy Eset, pravioŭšy ŭłasnaje daśledavańnie ŭ partniorstvie z Google.
Niebiaśpiečnaj akazałasia prahrama dla zapisu ekrana pad nazvaj iRecorder — Screen Recorder z bolš čym 50 tysiačami zapampovak u internecie. Sam dadatak pieršapačatkova nie mieŭ u sabie nijakich škodnasnych funkcyj, adnak zatym amal praz hod paśla licenzavańnia ŭ kramie Google abnaviŭsia i staŭ špijonić za ludźmi.
U kampanii Eset nie viedajuć, ci adkazny za sačeńnie sam raspracoŭščyk prahramy, ci chtości ŭmiašaŭsia zvonku, adnak daśledčyki ŭpeŭnienyja, što heta moža być častka vialikaha špijonskaha pracesu ŭ intaresach bujnoj arhanizacyi albo ŭrada peŭnaj krainy.
«Dadatak u adnym z abnaŭleńniaŭ praz hod paśla zapusku atrymaŭ škodnasny kod prasunutaha trajana vydalenaha dostupu (remote access trojans, ci RAT), z dapamohaj jakoha pačaŭ tajemna źbirać infarmacyju karystalnikaŭ praz kamieru, mikrafony i pracoŭnyja fajły na pryładach.
Zvyčajna raspracoŭščyki vielmi redka advažvajucca na ŭstanoŭku trajana amal praz hod paśla relizu svajho dadatku. U hetym mohuć być zaŭvažanyja asobnyja bujnyja hulcy ci navat urad peŭnaj krainy, bo hetaja špijonskaja prahrama źjaŭlajecca častkaj bolš šyrokaha pracesu sačeńnia, ale nieviadoma za kim mienavita», — raspaviali daśledčyki kampanii Eset.
Pa ich słovach, kampanija Google ŭžo prybrała škodnasnuju prahramu sa svajoj kramy dadatkaŭ i vielmi nastojliva rekamienduje karystalnikam vydalić jaje sa svaich pryład prosta zaraz.
Nahadajem, što miesiac tamu kampanija Google apublikavała śpis ź niebiaśpiečnych dadatkaŭ, jakija atakavali karystalnikaŭ schavanaj rekłamaj i nažyvalisia na ich. Kali vy ich da hetaha času nie vydalili, raim zrabić heta zaraz.
Huhł moža vydać historyju vašych pieramiaščeńniaŭ. Jak abaranić vaš Google-akaŭnt — padrabiazny hajd
Zatrymlivajuć ludziej, u jakich adšukali fota z pratestaŭ u Google Photos. Jak abaranić siabie — pakrokavy hajd
Skandał u śviecie biaśpieki: miesiendžar, jaki abiacaŭ «zvyšbiaśpieku», zachoŭvaŭ źviestki karystalnikaŭ dastupnymi dla ŭsich i dazvalaje rasšyfravać paviedamleńni
Ciapier čytajuć
RIA Naviny apublikavała kałonku, što Rasiju čakaje jašče adna «SVA» — ź Litvoj. A paśla vydaliła z paznakaj «Nie adpaviadaje dziaržaŭnaj palitycy»31
RIA Naviny apublikavała kałonku, što Rasiju čakaje jašče adna «SVA» — ź Litvoj. A paśla vydaliła z paznakaj «Nie adpaviadaje dziaržaŭnaj palitycy»
Niebaraka ź Lachavičaŭ źnik «na SVA» ŭžo na treci dzień, a ŭ baraćbie za hrabavyja sčapilisia siastra, sužycielka i žonka — z čatyrma dziećmi, ale čužymi88
Niebaraka ź Lachavičaŭ źnik «na SVA» ŭžo na treci dzień, a ŭ baraćbie za hrabavyja sčapilisia siastra, sužycielka i žonka — z čatyrma dziećmi, ale čužymi8
Najbujniejšaj u śviecie fan-supolnaściu Łedzi Hahi kiruje chłopiec ź Minska, jaki adsiedzieŭ za pratesty. Rasijanie paśpiašalisia zapisać jaho ŭ svaje1616
Kamientary