Iran adkazaŭ, ci hatovy zaklučyć pahadnieńnie ab zakančeńni vajny da pramiežkavych vybaraŭ u ZŠA
Prezident Piezeškijan kaža, što choča kab ZŠA viarnulisia da Miemaranduma ab spynieńni ahniu.
Prezident Irana Masud Piezeškijan, vystupajučy ŭ Ńju-Jorku zajaviŭ, što Tehieran hatovy ŭkłaści pahadnieńnie ab zakančeńni vajny da pramiežkavych vybaraŭ u ZŠA ŭ listapadzie, piša NBC News.
«My nie chočam, kab heta dajšło da pramiežkavych vybaraŭ… My chočam, kab amierykancy viarnulisia da Miemaranduma ab uzajemarazumieńni [ab spynieńni kanfliktu i adkryćci Armuzskaha praliva] da pramiežkavych vybaraŭ», — zajaviŭ jon.
U toj ža čas u adkaz na zapyt NBC News pres-sakratarka Biełaha doma Channa Keli akcentavała ŭvahu na zabojstvach iranskim režymam amierykancaŭ za miažoj i tysiač ułasnych hramadzian, a taksama na terarystyčnych aktach u Armuzskim pralivie i napadach na susiednija krainy ŭ rehijonie.
Kamientary Piezieškijana prahučali praz dva dni paśla vystupu prezidenta ZŠA Donalda Trampa ŭ AAN, padčas jakoha toj zajaviŭ, što, na jaho dumku, iranski režym nie ŭkładzie pahadnieńnie da vosieńskich vybaraŭ, pakolki budzie čakać vynikaŭ vybaraŭ u Bieły dom.
Tady amierykanski prezident taksama paviedamiŭ, što razvažaje, ci ŭkładzie pahadnieńnie ź Iranam i daść krainie mahčymaść adnavicca, ci chutka źniščyć Isłamskuju Respubliku, kab jana bolš nie mahła nieści pahrozu inšym dziaržavam.
Ciapier čytajuć
Aryštavany sienatar Karpicki, hałoŭny doktar Bresckaj abłasnoj balnicy4
Kamientary
Tramp tak zajaviŭ? Naŭrad, inakš sprava ź im jašče horš, čym možna było dumać. Kapitolij, viadoma, taksama nie čorny, ale...